Addysgu, Asesu & Addysg
Addysgu, Asesu & Addysg
Gwybodaeth am Brentisiaethau
Pam dewis Prentisiaeth?
Dechreuwch eich gyrfa gyda phrentisiaeth i ennill cyflog wrth ddysgu.
Mae cwmnïau ledled Gogledd Cymru a thu hwnt yn recriwtio pobl ar gyfer prentisiaethau a hyfforddiant yn y sgiliau sydd eu hangen arnynt i lwyddo yn eu gyrfa.
Fel prentis byddwch chi’n ennill cyflog wrth ddysgu, ennill sgiliau, gwybodaeth, profiad a chymwysterau cydnabyddedig ar hyd y ffordd. P’un ai rydych chi rhwng 16 ac 19 oed neu’n 20 oed neu’n hŷn, gallai ystod o opsiynau prentisiaeth fod ar gael i chi.
Mae swyddi yn y sector hwn yn cefnogi athrawon mewn ysgolion cynradd ac uwchradd i helpu disgyblion gyda’u dysgu naill ai un i un neu mewn grwpiau bach.
Bydd prentisiaid yn gweithio’n agos gyda staff addysgu a rhieni i sicrhau bod disgyblion yn gwneud y mwyaf o’u hamser yn yr ysgol.
Bydd prentisiaid yn treulio amser yn dysgu gwybodaeth graidd yn ogystal â chael eu hasesu yn y gweithle gan ein timau asesu sydd wedi gwasanaethu’r diwydiant.
Bydd dysgwyr yn y diwydiant hwn angen llawer o egni, amynedd a gallu gweithio’n dda mewn tîm.
Y Prentisiaethau rydym yn eu cynnig
Rydym yn cynnig hyfforddiant prentisiaeth cefnogi addysgu a dysgu ar Lefel 2 a 3.
Lefel 2 mewn Cynorthwyo Addysgu a Dysgu mewn Ysgolion
Gofyniad Mynediad – Cyflogaeth mewn diwydiant perthnasol
Hyd Arferol – 16 mis
Dull Astudio ac Asesu – Gweithle
Lleoliad – Gweithle
Lefel 3 mewn Cynorthwyo Addysgu a Dysgu mewn Ysgolion
Gofyniad Mynediad – Yn gweithio mewn diwydiant perthnasol
Hyd Arferol – 16 mis
Dull Astudio ac Asesu – Gweithle
Lleoliad – Gweithle
Lefel 3 mewn Dysgu a Datblygu
Gofyniad Mynediad – Yn gweithio mewn diwydiant perthnasol
Hyd Arferol – 18 mis
Dull Astudio ac Asesu – Gweithle
Lleoliad – Gweithle
Callum McDonald
Wedi astudio – Lefel 2 mewn Cynorthwyo Addysg a Dysgu
Erbyn hyn – Cymhorthydd Addysgu Anghenion Addysgol Arbennig
“Fy nghwrs oedd Lefel 2 mewn Cynorthwyo Addysgu a Dysgu a wnes i ei gwblhau oherwydd fy nod o ddod yn gymhorthydd addysgu cymwysedig. Fe wnes i ddysgu llawer am sut i gynorthwyo plant trwy eu haddysg a sut i ddarparu’r cyfleoedd gorau iddyn nhw’n gyson i lwyddo’n emosiynol ac yn academaidd.
“Roedd y cymhwyster a ges i am gwblhau’r cwrs ynghyd â’r profiad a ges i drwy wneud lleoliad mewn ysgol gynradd ar gyfer y cwrs yn fy ngalluogi i sicrhau swydd barhaol fel Cymhorthydd Addysgu Anghenion Addysgol Arbennig mewn ysgol iau, sydd yn ei dro yn golygu y galla’ i symud ymlaen i astudio ar gyfer fy lefel 3.
“Roedd fy aseswyr drwy gydol y cwrs cyfan yn hollol anhygoel, yn ymatebol pryd bynnag y bo angen, yn gyfeillgar ac yn ysgogol, yn ogystal â chynnig adborth defnyddiol bob amser. “
Ruby Ballantyne
Wedi astudio – Lefel 2 mewn Cynorthwyo Addysgu a Dysgu mewn Ysgolion
Erbyn hyn – Ysgol Croes Atti
“Fy hoff beth am astudio fel prentis ydy gallu cael profiad mewn maes dwi’n ei fwynhau, ac mae’n rhoi cipolwg ar y diwydiant i’ch helpu i benderfynu ar y cam nesaf yn eich gyrfa. Ar ôl gorffen fy mhrentisiaeth, dwi’n gobeithio parhau gyda fy nysgu a dod yn athrawes. Dwi’n meddwl y bydd Cambria yn fy helpu i wneud hynny trwy roi’r cerrig camau sydd eu hangen arna’ i i gyrraedd fy nod.
“Cyn dechrau yng Ngholeg Cambria, roeddwn i wedi gwneud y rhan fwyaf o fy addysg yn Gymraeg, felly roedd gallu astudio fy nghymhwyster yn Gymraeg yn andros o ddefnyddiol gan fy mod i wedi arfer gyda thermau penodol. Roedd hi’n ddryslyd trio eu deall yn Saesneg.
“Eleni fe wnes i ennill gwobr myfyrwyr hefyd, a dwi’n falch bod fy holl waith caled yn cael ei gydnabod.”
Ymweld â'n horiel
Astudiaethau Achos
Kimberly Jones
“Yn ystod fy mhrentisiaeth roeddwn yn cael yr hyfforddiant yn ogystal â chael fy nhalu. Mae’n agor eich llygaid i’r amgylchedd gwaith ac yn eich paratoi ar gyfer eich dyfodol.
Dwi’n meddwl bod cael y cyfle i wneud prentisiaeth fel person aeddfed yn wych.”
Jane Moore
“Yn ystod fy mhrentisiaeth roeddwn yn cael yr hyfforddiant yn ogystal â chael fy nhalu. Mae’n agor eich llygaid i’r amgylchedd gwaith ac yn eich paratoi ar gyfer eich dyfodol.
Dwi’n meddwl bod cael y cyfle i wneud prentisiaeth fel person aeddfed yn wych.”
Alice Stansford
“Yn ystod fy mhrentisiaeth roeddwn yn cael yr hyfforddiant yn ogystal â chael fy nhalu. Mae’n agor eich llygaid i’r amgylchedd gwaith ac yn eich paratoi ar gyfer eich dyfodol.
Dwi’n meddwl bod cael y cyfle i wneud prentisiaeth fel person aeddfed yn wych.”
Chwilio am brentisiaeth? Cymerwch gip ar ein Siop Swyddi i weld y prentisiaethau gwag!
Chwilio am ragor o wybodaeth am Wasanaeth Prentisiaethau Gwag Llywodraeth Cymru!
Cyflogwyr yr ydym yn gweithio â nhw
