TEST
Gwybodaeth am y Siop Swyddi
Gwybodaeth am Siop Swyddi Coleg Cambria
Mae Siop Swyddi Cambria ar gael ar holl safleoedd Cambria ac mae’n wasanaeth i gefnogi sgiliau cyflogadwyedd pob myfyriwr yn Cambria. Mae’r “gwasanaeth cyflogadwyedd” yn hanfodol i’n myfyrwyr symud ymlaen i yrfaoedd ar ôl astudio yn Cambria.
Trwy’r Siop Swyddi, gall cyflogwyr hysbysebu swyddi gwag llawn amser a rhan-amser, prentisiaethau a gwaith gwirfoddol sy’n cynorthwyo eu proses recriwtio. Mae’r Siop Swyddi yn annog cyfleoedd dilyniant yn barhaus; nid yn unig ar gyfer ein myfyrwyr ond ar gyfer y gymuned a thu hwnt.
Evan Perry
Astudiodd – Lefel 3 mewn Peirianneg Uwch (llwybr i brentisiaethau)
Ar hyn o bryd – Prentis Peirianneg Cynnal a Chadw yn ConvaTec
Wrth astudio fy nghwrs llawn amser, mi es i i ddigwyddiad “cyfarfod y cyflogwyr” wedi ei drefnu gan Siop Swyddi Coleg Cambria. Yno mi wnes i gyfarfod Rheolwr Peirianneg ConvaTec a dechrau dysgu am y cwmni a’r hyn maen nhw’n ei wneud.
Roedd y digwyddiad es i iddo’n hynod ddefnyddiol oherwydd roeddwn i wedi gallu siarad gyda llawer o gwmnïau a chynrychiolwyr gwahanol i fy helpu i ddeall gyda phwy yr hoffwn i wneud cais am brentisiaeth.
Ar ôl y digwyddiad, mi wnes i ddefnyddio’r Siop Swyddi i wella fy sgiliau cyfweliad ar gyfer pan fyddwn i’n clywed yn ôl gan y cwmnïau y gwnes i gais gyda nhw. Roeddwn i’n gwybod fod ganddyn nhw lawer o adnoddau a fyddai’n sicrhau y byddwn i wedi paratoi’n dda.
Roedd fy mhrofiad gwaith yn help mawr i mi fesur nid yn unig yr etheg gwaith o fewn y cwmni ond hefyd sut brofiad fyddai gweithio yno. Roedd hyn wir yn gymorth i mi wrth wneud yr ymdrech ychwanegol a cheisio gwneud fy hun mor gyflogadwy â phosib.
Yn y Siop Swyddi mae ein tîm yn cynnal llawer o ddigwyddiadau gyrfaoedd bob blwyddyn academaidd, gan wahodd cyflogwyr lleol a rhanbarthol a sefydliadau cefnogi i holl safleoedd Cambria. Yma, mae Cyflogwyr yn cyfarfod â myfyrwyr ar draws ein meysydd cwricwlwm, gan arwain yn aml at gynnig profiad gwaith. Prentisiaethau a chyfleoedd swyddi hirdymor. Yn ogystal â hyn, croesewir cyflogwyr i’r safle i gyflwyno “Sesiynau gyda’r Cyflogwr” i hyrwyddo eu busnesau, eu brandiau a’u cyfleoedd, unwaith eto i godi ymwybyddiaeth myfyrwyr a chefnogi prosesau recriwtio.
Dechreuodd y gwasanaeth gwerth ychwanegol hwn ym mis Ebrill 2019 ac mae’n parhau i fod yn rhan hanfodol o gymorth i fyfyrwyr yma yn Cambria. Oherwydd bod Llywodraeth Cymru yn canolbwyntio ar sgiliau cyflogadwyedd drwy’r Warant i Bobl Ifanc; Siop Swyddi yn bodloni disgwyliadau cenedlaethol agenda cyflogadwyedd pobl ifanc.
I gymryd rhan, cysylltwch â Jobshop@cambria.ac.uk neu ffoniwch 0300 30 30 006 (opsiwn 2).
Pam Gweithio Gyda'r Siop Swyddi?
Codi Ymwybyddiaeth Brand Busnes
Cefnogi eich Proses Recriwtio
Cynnig Profiad Gwaith
Mynd i Ddigwyddiadau Gyrfaoedd a Sesiynau am Gyflogwyr
Cefnogi Gweithgaredd Cyfrifoldeb Cymdeithasol Corfforaethol
Llawer rhagor!
Cwestiynau Cyffredin
Mae cyflogi prentis yn ffordd gynhyrchiol ac effeithiol o dyfu dawn a datblygu gweithlu llawn cymhelliant, medrus a chymwys.
- Dywedodd 86% o gyflogwyr fod prentisiaethau wedi eu helpu i ddatblygu sgiliau sy’n berthnasol i’w sefydliad
- Dywedodd 78% o gyflogwyr fod prentisiaethau wedi eu helpu i wella cynhyrchiant
- Dywedodd 74% o gyflogwyr fod prentisiaethau wedi eu helpu i wella ansawdd eu cynnyrch neu wasanaeth.
Mae manteision eraill o weithio gyda phrentis yn cynnwys:
- Gallwch addasu eu hyfforddiant yn unol ag anghenion eich busnes
- Gallwch helpu i ddatblygu “sgiliau meddal” prentisiaid a rhannu gwerthoedd a chredoau eich cwmni
- Maent yn cael eu hysgogi i ddysgu sgiliau newydd
- Gallwch ehangu ac uwchsgilio eich gweithlu.
- Creu disgrifiad swydd sy’n addas i’r gynulleidfa
- Cynnwys manylion y llwybr gyrfa, buddion, oriau gwaith a thâl ac ati.
- Anfon e-bost at Employers@cambria.ac.uk neu ffonio 0300 30 30 006 i rannu
- Cwblhau dogfen Gwasanaeth Swyddi Prentisiaethau Gyrfa Cymru (a ddarperir gan y tîm Cyflogwyr)
- Byddwn yn hysbysebu ar eich rhan trwy ein porth Siop Swyddi Cambria, gwefan Gyrfa Cymru ac yn uniongyrchol gyda myfyrwyr yma yn Cambria
- Defnyddio byrddau Swyddi eraill bob amser i “ledaenu’r gair”.
Gallwch bostio eich swydd wag yma – https://web.cambria.ac.uk/job-shop/post-a-job/
Mae lleoliad profiad gwaith yn gyfle dros dro a gefnogir neu a drefnir gan Goleg Cambria, sy’n galluogi myfyrwyr i gael profiad gwaith ochr yn ochr â’u hastudiaethau neu i rai sy’n chwilio am waith mewn maes penodol i gael profiad ymarferol – a darganfod sut brofiad yw gweithio mewn sector.
Mae rhai o’r manteision o gynnig profiad gwaith yn cynnwys:
- Gallwch fod o flaen y gweddill wrth ddod â phobl sydd â syniadau ffres i’ch busnes cyn iddynt ddechrau dringo’r ysgol swyddi
- Bydd gweithio gyda hyfforddeion yn rhoi cyfle i aelodau staff sefydledig ddatblygu eu sgiliau mentora a hyfforddi pobl ifanc
- Gallwch “brofi cyn buddsoddi” os rydych mewn lle i recriwtio prentis neu weithiwr newydd
- Gall profiad gwaith wella eich proses recriwtio
- Mae cyflogi dysgwyr trwy Cambria yn adeiladu perthnasoedd gyda’r gymuned.
Llenwch y ffurflen ar waelod y dudalen hon – https://www.cambria.ac.uk/cyflogwyr/siop-swyddi/?lang=cy
Darganfyddwch ragor am y Warant i Bobl Ifanc – https://www.llyw.cymru/y-warant-i-bobl-ifanc-html