Fe wnaeth Coleg Cambria ennill tair medal arian ac un efydd yn rowndiau terfynol WorldSkills UK.
Y cyfranogwyr llwyddiannus oedd:
James Donohue – Cynnal a chadw awyrennau – Arian
Ben Gillin – LME – Gosodiadau Trydan – Arian
Brandon Nicholson – Fabdec – Weldio – Arian
Kosiah Sylvester – Brother Industries Ltd – Technegydd Cymorth TG – Efydd
Jimmy Smith – Kendley Ltd – Gwneuthurwr Metel – Canmoliaeth Uchel
Kieran O’Loan – Airbus – Cynnal a chadw awyrennau – Canmoliaeth Uchel
Aeth y coleg – sydd â safleoedd yn Wrecsam, Glannau Dyfrdwy, Llysfasi a Llaneurgain – â grŵp o 15 o brentisiaid i’r digwyddiad, a gafodd ei gynnal dros dri diwrnod mewn colegau, darparwyr hyfforddiant annibynnol a phrifysgolion ar draws Manceinion Fwyaf, gan gynnwys Rochdale, Salford, Wigan a Leigh, ac Oldham.
Bu’r cyfranogwyr yn cystadlu mewn 51 o gategorïau sgiliau cyn i’r enillwyr gael eu cyhoeddi mewn seremoni wobrwyo fawreddog yn Neuadd Bridgewater ym Manceinion.
Fe wnaeth Rheolwr Profiadau Dysgwyr a Menter Cambria, Rona Griffiths, longyfarch y tîm, a dywedodd: “Waeth beth fo’ch canlyniadau, dim ond un cam ydi hwn tuag at lwyddiannau’r dyfodol yn eich gyrfaoedd dewisol, ac fel coleg, rydyn ni’n falch o fod wedi bod yn rhan o’ch taith chi hyd yn hyn.
“Adfyfyriwch ar y ffaith eich bod ymhlith y goreuon yn eich maes sgiliau, yn un o wyth cystadleuydd gorau’r DU, cyflawniad prin, rhyfeddol, a thrawiadol.
“Mae cystadlu mewn cystadlaethau sgiliau yn newid pob un ohonon ni, ac rydyn ni’n dysgu rhywbeth amdanon ni’n hunain: sut rydyn ni’n gweithio dan bwysau, beth rydyn ni’n gallu ei wneud, a sut gallwn ni wella yn y dyfodol. Mae hyn yn cynnwys tiwtoriaid, beirniaid a threfnwyr.
“Gallwn ni i gyd ddysgu o’r profiad hwn a defnyddio hynny ar gyfer profion a heriau mewn bywyd a gyrfaoedd yn y dyfodol.”
Ychwanegodd Ben Blackledge, Prif Weithredwr WorldSkills UK: “Mae hon yn foment sy’n newid bywydau’r bobl ifanc yma. Nhw ydi’r genhedlaeth newydd o raglenni uchel a fydd yn rhoi mantais gystadleuol i gyflogwyr y DU.
“Bydd sgiliau’n parhau i fod yn wahaniaethwr allweddol ar gyfer busnes gartref a thramor a thrwy ein rhaglenni rydyn ni’n gweithio i sicrhau y gall pob prentis a myfyriwr ar draws y DU gael mynediad i addysg dechnegol a phrentisiaethau o ansawdd uchel sy’n arwain at lwyddiant gwirioneddol iddyn nhw a’r DU gyfan.”
Ewch i www.worldskillsuk.org i gael rhagor o wybodaeth am WorldSkills UK.
I gael rhagor o newyddion a gywbodaeth gan Goleg Cambria, ewch i www.cambria.ac.uk.
