City & Guilds Diploma Lefel 3 mewn Garddwriaeth Seiliedig ar Waith (Parciau, Gerddi a Mannau Gwyrdd)

Mae'r cymhwyster hwn wedi'i ddylunio'n bennaf ar gyfer dysgwyr sy'n dymuno datblygu sgiliau ymarferol a gwybodaeth sgiliau cynhyrchu garddwriaeth i gadarnhau cymhwysedd galwedigaethol mewn swyddi penodol, gan gynnwys arweinydd tîm neu oruchwyliwr mewn:-
● Lledaenu neu gynhyrchu planhigion (meithrinfa)
● Cynhyrchu cnydau bwyd masnachol (Salad, ffrwythau, llysiau)
● Cynnyrch sy’n cael ei gefnogi neu ei rannu gan y gymuned
● Canolfan arddio / man adwerthu
● Cyfanwerthu neu ddosbarthu cnydau
● Cynhyrchu’n organig
● Contractwr yn darparu gwasanaethau i’r sector

Mae’n ddelfrydol ar gyfer dysgwyr sy’n trefnu, goruchwylio ac adrodd tasgau arferol yn y gweithle ac fe allent ddefnyddio’r cymhwyster hwn fel cam agosach at lefelau uwch gwahanol ac at brentisiaethau perthnasol a llwybrau gyrfa.

Mae’r cymhwyster yn cynnwys unedau gorfodol i sefydlu a hyrwyddo sgiliau cyflogaeth fel Iechyd a Diogelwch, Perfformiad Personol a pherthnasau gwaith effeithiol, ynghyd â hyrwyddo arfer amgylcheddol da a chyfathrebu yn y gweithle

Gallai’r unedau dewisol gynnwys rai o'r unedau canlynol
● Clirio safleoedd a pharatoi cyfryngau tyfu (gan gynnwys pridd) ar gyfer sefydlu cnydau
● Cynllunio a hwyluso sefydliad cnydau ar gyfer cyfryngau tyfu (gan gynnwys pridd)
● Cynnal tyfiant cnydau i gynnwys defnyddio maethynnau, dŵr, twf cystadleuol a phla a chlefydon.
● Hwyluso cynaeafu, casglu a dosbarthu cynnyrch
● Cynllunio a hwyluso lledaenu drwy ddulliau hadu a thyfiannol i gynnwys casglu deunydd planhigion ac ôl-ofal.
● Trefnu darpariaeth gwasanaeth dibynadwy i gwsmeriaid, gwella perthnasau â chwsmeriaid a datrys problemau gwasanaethau i gwsmeriaid
● Paratoi, monitro ac addasu amodau amgylcheddol ar gyfer cnydau neu blanhigion gwarchodedig.

Mae pob uned yn gofyn i ddysgwyr hwyluso’r gwaith paratoi ar gyfer y tasgau, i ddangos arfer gweithio diogel trwy gydol yr amser ac i weithio i sicrhau bod yr amgylchedd yn cael ei warchod gan leihau difrod a rheoli gwastraff.

Mae pob uned yn cynnwys adran wybodaeth sy’n gofyn i’r dysgwr ddangos dealltwriaeth o’r pwnc tu hwnt i’r hyn sy’n ofynnol i ymgymryd â’r gwaith.

Bydd dysgwyr yn dewis unedau cyfunol i ddiwallu eu hanghenion dysgu a datblygu. Diploma yw’r cymhwyster hwn, lle bo angen cyflawni cyfanswm o 57 credyd, 32 o’r unedau gorfodol ac o leiaf 25 credyd o’r unedau dewisol.