Diploma Lefel 3 mewn Cyfrifiadureg (Peirianneg Meddalwedd Uwch/Technoleg Ddigidol)

Mae astudio cwrs Cyfrifiadureg yng Ngholeg Cambria yn eich galluogi i weithio gyda chynnyrch arloesol a thechnoleg newidiol yn y sector sy’n tyfu gyflymaf yn y byd. Mae’n eich rhoi chi yn y lle gorau un i wneud y mwyaf o’r amgylchedd digidol hwn ac elwa’n llawn ar eich potensial CHI.

Mae cyfrifiaduron yn bodoli ym mhob agwedd o’n byd. Gallai gyrfa mewn peirianneg, fforenseg, gêmau, amlgyfryngau, neu unrhyw fath o wyddoniaeth fod yn eiddo i chi.

Bydd y cwrs hwn yn eich darparu gyda’r cyfuniad cywir o sgiliau i ddatblygu eich gyrfa yn y diwydiant hwn sy’n symud yn gyflym. Byddwch yn dysgu am lawer o agweddau ar galedwedd a meddalwedd, a’r modd y mae’r rhain yn berthnasol i’r byd go iawn.

Mae’r meysydd y byddwch yn dysgu amdanynt ar y cwrs yn cynnwys;

● Egwyddorion Cyfrifiadureg
● Hanfodion Systemau Cyfrifiadurol
● Diogelwch ac Amgryptio Systemau TG
● Cymwysiadau Busnes Cyfryngau Cymdeithasol
● Datblygu Gwefannau
● Graffeg ac Animeiddio Digidol
● Cynllunio a Rheoli Prosiectau Cyfrifiadurol
● Prosiect Dylunio a Datblygu Meddalwedd
● Effaith Cyfrifiadura
● Datblygu Cronfa Ddata Berthynol
● Rhwydweithiau Cyfrifiadurol
● Rhyngweithio Dynol-Cyfrifiadurol
● Rhithwiroli

Yn ail flwyddyn y cymhwyster cewch ddewis rhwng gwneud cais am le mewn Prifysgol trwy’r broses UCAS, neu ymuno â’r rhaglen TG Uwch, a fydd yn eich darparu gyda sgiliau a chefnogaeth ychwanegol gyda’r nod o symud ymlaen i brentisiaeth neu swydd.