Dyfarniad Lefel 3 mewn Sgiliau Weldio MIG/TIG/MMA

Mae’r Dyfarniadau Lefel 3 mewn Sgiliau Weldio Uwch yn ddelfrydol os ydych chi, wedi bod yn gweithio yn y diwydiant weldio, ac eich bod chi’n gwneud hynny ers cryn amser a bod gennych chi ddigon o brofiad. Bydd y cwrs hwn yn datblygu eich sgiliau ymhellach, fel y gallwch chi ymgymryd â gwaith weldio cymhleth, codio a rheoli ansawdd. I gofrestru, mae'n rhaid bod gennych chi lefel uchel o sgiliau weldio neu eich bod chi wedi cwblhau disgyblaeth lefel 2 mewn weldio yn llwyddiannus mewn proses debyg.

Mae naw cymhwyster uned sengl ar gael ar y lefel hon. Mae'n rhaid i chi gwblhau pum aseiniad ymarferol a phrawf gwybodaeth ar-lein yn llwyddiannus i ennill un o'r cymwysterau hyn. Rydym yn argymell o leiaf 90 awr o waith ymarferol, y gallwch eu cwblhau dros flwyddyn academaidd rhwng Medi a Mehefin. Bydd angen 10 awr o waith damcaniaethol yn ychwanegol at hyn, yn ogystal â hunan-astudio.

Dyma restr lawn o’r unedau sydd ar gael:
● Dyfarniad Lefel 3 mewn Arc-weldio Craidd Fflwcs
● Dyfarniad Lefel 3 mewn Arc-weldio Metel â Llaw (MMA) - Pibellau
● Dyfarniad Lefel 3 mewn Arc-weldio Metel â Llaw (MMA) - Platiau
● Dyfarniad Lefel 3 mewn Weldio Metel â Nwy Anadweithiol (MIG) - Pibellau
● Dyfarniad Lefel 3 mewn Weldio Metel â Nwy Anadweithiol (MIG) - Platiau
● Dyfarniad Lefel 3 mewn Weldio Ocsi-asetylen
● Dyfarniad Lefel 3 mewn Weldio Twngsten â Nwy Anadweithiol (TIG) - Alwminiwm
● Dyfarniad Lefel 3 mewn Weldio Twngsten â Nwy Anadweithiol (TIG) - Pibellau
● Dyfarniad Lefel 3 mewn Weldio Twngsten â Nwy Anadweithiol (TIG) – Dalenni