Dawnsio ar gyfer clefyd Parkinson

Gwybodaeth am ein dosbarthiadau

Mae’r dosbarthiadau hyn yn para 1 awr a 15 munud, yn hwyl ac yn anffurfiol.

Mae wedi ei brofi fod dawns yn helpu datblygu hyder a chryfder, wrth liniaru symptomau cyfranogwyr dros dro yn eu bywydau bob dydd. Mae dosbarthiadau yn greadigol ac yn hyrwyddo’r teimlad o ryddhad gan gyfyngiadau corfforol a chymdeithasol o gael Parkinson’s

Dyddiadau: Yn dechrau 30.09.2024

Coleg Cambria, Wrecsam: Dydd Llun 1.00-2.15pm
Pris: £3.50 (ar gyfer lluniaeth)

CYSWLLT: Jamie.Jenkins@cambria.ac.uk

Mae Parkinson’s yn effeithio 1 mewn 37 o bobl yn y DU gyda 2 person arall yn cael eu diagnosio bob awr.

Buddion gwneud ymarfer corff i bobl sydd â Parkinson’s

Mae ymarfer corff yn dda i bawb, p’un a ydym ni’n berffaith iach, mewn perygl o gael problemau iechyd penodol neu yn dioddef o salwch cronig. Ond i bobl sydd â Parkinson’s, gall ymarfer corff fod yn hyd yn oed mwy buddiol. I ddweud y gwir, mae’r Parkinson’s Foundation yn dweud bod ymarfer corff yn
“rhan hanfodol i gynnal balans, symudedd a gweithgareddau byw o ddydd i ddydd, ynghyd ag effaith niwroamddiffynnol posib.”

Mae’r buddion yn cynnwys;
● Lleihad mewn symptomau echddygol
● Gwella cryfder a ffyrfder cyhyrau, ynghyd â gwytnwch
● Llai o darfu ar gerddediad

Pam dewis ein dosbarth ni?

Gall elfennau ein dosbarth dawnsio, rhyddhad artistig a’r agwedd gymdeithasol o’r dosbarth, helpu gyda rheoli bywyd o ddydd i ddydd gyda Parkinson’s. Gall dawnsio helpu cynyddu llifedd symudiad, datblygu sadrwydd osgo, ystwythder asgwrn y cefn a gwella balans. Gall y defnydd o rythm a llais helpu rhoi arwydd ar gyfer symudiad a mynegiant.

Roedd Dance for Parkinson's ENB yn fodel ar gyfer ymchwil arloesol a gafodd ei gyhoeddi yn 2015 gan Dr Sara Houston o Brifysgol Roehampton: English National Ballet, Dawnsio ar gyfer Parkinson’s: Astudiaeth Archwilio 2

https://www.ballet.org.uk/wp-content/uploads/2017/03/English-National-Ballet-Dance-for-Parkinsons-research-report.pdf

“Am sesiwn hyfryd a chysyniad diddorol i bawb sy’n gweithio, byw ac ymdrin â phobl sydd gyda Parkinson’s. Dwi mor falch yr oeddwn i’n gallu cymryd rhan. Mae’r sesiwn wedi fy ysbrydoli i deimlo y buaswn i’n hoffi parhau gyda dawns gyda phobl sy’n byw gyda’r cyflwr hwn.”
- Cyfranogwr, Nyrs Arbenigol mewn Parkinson’s, Caerdydd

“Mae’r cyfnod clo hwn wedi bod yn anodd iawn, gan nad oeddwn i’n gallu gweld pobl nac fy nheulu. Roeddwn i’n teimlo’n ynysig ac roeddwn i’n cael trafferth gyda’n lleferydd. Roeddwn i’n teimlo bod y sesiynau Zoom wedi fy helpu i ailgysylltu ac roedd hi’n hyfryd gweld Yvette a Helen a holl gyfranogwyr ein grŵp. Roedd y sesiynau yn codi fy hwyliau ac roeddwn i’n edrych ymlaen atyn nhw bob amser. Gwnaethoch chi wir wneud gwahaniaeth.”

- Cyfranogwr

“Mae’n gwneud i mi deimlo fy mod i’n gallu ymdopi’n well; dwi’n gallu cerdded yn well... Dyna’r feddyginiaeth orau.”

- Cyfranogwr