Tystysgrif Lefel 2 Cynorthwywyr Twtio Cŵn

Mae’r lefel hon yn ddelfrydol os ydych chi eisiau dechrau gweithio yn y diwydiant twtio cŵn, ac eisiau dysgu’r sgiliau sydd eu hangen arnoch i weithio dan oruchwyliaeth mewn salon twtio cŵn.

Er mwyn ennill y cymhwyster hwn, mae’n rhaid i chi gyflawni ystod o unedau gorfodol.

Beth fydd y cwrs yn ei gynnwys?
● Paratoi a thwtio cŵn cyn eu golchi
● Golchi cŵn
● Sychu cŵn a’u paratoi ar gyfer steilio
● Trimio cotiau cŵn a’u paratoi ar gyfer steilio
● Symud a chodi cŵn
● Cynnal glendid a bioddiogelwch yr amgylchedd trin cŵn
● Ymddygiad proffesiynol
● Cyflwyniad i nodweddion anatomegol, nodweddion brîd ac ymddygiad cŵn

Mae’r cwrs wedi’i anelu at:
● Gweithwyr twtio cŵn heb gymhwyso
● Cyhmorthwyr twtio cŵn heb gymhwyso
● Pobl sy'n gadael yr ysgol sydd am ddilyn y llwybr gyrfa hwn neu lwybr yn y diwydiant gofal anifeiliaid
● Oedolion sy'n chwilio am newid gyrfa

Ein cwrs twtio cŵn yw’r cam cyntaf i ddod yn weithiwr twtio cŵn neu adeiladu ar yrfa bresennol yn y diwydiant. Bydd eich hyfforddiant yn canolbwyntio ar egwyddorion ac arferion technegau modern twtio cŵn.
Byddwch yn gweithio â nifer o fridiau a mathau o gotiau gan gynnwys, llyfn, byr, cyfuniad, gwlân,
sidanaidd, dwbl, blew hir a blew cras, gan sicrhau y gallwch eu paratoi ar gyfer eu steilio.
Byddwch yn datblygu sgiliau stripio â llaw, technegau siswrn sylfaenol a thechnegau clipio
sylfaenol fel rhan o’r cwrs hwn.

Mae’r salon yn llawn cyfarpar, gydag offer mwyaf poblogaidd y diwydiant. Bydd angen siaced
twtio â logo arni - gweler y rhestr cit.

Bob blwyddyn, rydym yn ymweld â sioe gŵn fwyaf y byd ‘Crufts’, lle gallwch ymweld â ‘Discover
Dogs’ neu stondinau masnach yn yr NEC.

Bydd gofyn i chi hefyd fynd i ddiwrnodau hyfforddiant gan gynnwys Cymorth Cyntaf i Gŵn.