City & Guilds Lefel 3 Diploma mewn Coed a Phren Seiliedig ar Waith (Coedyddiaeth)

Mae’r cymhwyster hwn wedi’i lunio ar gyfer y dysgwyr hynny sy’n gweithio yn y diwydiant coed a phren, yn y sectorau cyhoeddus a phreifat, sydd wedi nodi bod angen ategu eu hyfforddiant a’u profiad a darparu tystiolaeth o’u cymhwysedd sydd ei angen ar gyfer cyflogaeth a/neu ddilyniant gyrfa yn y sector coedyddiaeth. Mae'r lefel 3 yn adeiladu'n benodol ar y sgiliau a gafodd eu meithrin yn asesiadau lefel 2 ac asesiadau NPTC cysylltiedig ac yn cyflwyno cyfrifoldebau rheoli sy'n ymwneud â gwaith coed a choedwigaeth.

Mae llwybrau'n cynnwys sefydlu coedwigaeth, cynnal a chadw a chynaeafu, masnachau coed gwyrdd, a choedyddiaeth.

Nod y cwrs yw rhoi cyfle i ddysgwyr ennill y sgiliau, y wybodaeth a’r ddealltwriaeth hanfodol sydd eu hangen ar gyfer cyflogaeth mewn coedyddiaeth a diwydiannau cysylltiedig, a’u galluogi i symud ymlaen i astudiaeth uwch. Yn ogystal â darparu amgylchedd dysgu ysgogol a chefnogol i ddysgwyr ddatblygu eu cyfraniad posibl at goedyddiaeth a diwydiannau cysylltiedig. A datblygu gwybodaeth greiddiol yn y maes pwnc, trwy hyrwyddo ac annog datblygiad technegau a gweithgareddau dysgu newydd


Mae’r cymhwyster yn cynnwys unedau gorfodol a dewisol.

Rhaid i ddysgwyr gyflawni o leiaf 38 credyd.

Bydd hyn yn cynnwys 21 credyd o'r unedau gorfodol i'w cynnwys mewn meysydd fel, ond heb fod yn gyfyngedig i:
● Arolygu ac archwilio cyflwr coed
● Tocio coeden o'r awyr
● Cynllunio, dyrannu a monitro gwaith tîm
● Hyrwyddo iechyd a diogelwch yn y gweithle
● Datblygu cynlluniau rheoli

Ynghyd ag o leiaf 17 credyd o unedau dewisol mewn meysydd fel, ond heb fod yn gyfyngedig i:

● Torri a phrosesu coed dros 380mm
● Cynllunio a chyflawni amddiffyniad planhigion trwy ddulliau cemegol
● Torri coed sydd wedi'u dadwreiddio neu wedi'u chwythu gan y gwynt gan ddefnyddio llif gadwyn
● Cynnal arolygon safle a chyfleu canfyddiadau
● Cynnal gweithrediadau cwympo â chymorth
● Cynllunio a rheoli gwaith rheoli plâu, afiechydon ac anhwylderau
● Ysgrifennu cynllun busnes
● Torri coed o'r awyr gyda llif gadwyn gan ddefnyddio technegau cwympo'n rhydd