City & Guilds Diploma Lefel 2 mewn Amaethyddiaeth Seiliedig ar Waith

Mae’r cymhwyster hwn yn caniatáu i’r dysgwr ddysgu, datblygu ac ymarfer y sgiliau sy’n ofynnol ar gyfer cyflogaeth a/neu ddatblygu gyrfa yn y sector amaethyddol trwy ddatblygu sgiliau galwedigaethol lefel uchel a gwybodaeth bynciol dda mewn amrediad o sgiliau amaethyddol sy’n briodol ar gyfer cymhwysedd galwedigaethol mewn swyddi penodol, yn cynnwys:
● Gweithiwr Fferm Cyffredinol
● Cowmon
● Bugail
● Contractwr

Mae’n ddelfrydol ar gyfer dysgwyr sy’n cyflawni tasgau arferol yn y gweithle a allai ddefnyddio’r cymhwyster hwn fel cam i addysg lefel uwch a llwybrau gyrfa.

Mae’r cymhwyster yn cynnwys unedau gorfodol er mwyn sefydlu a chynnal sgiliau cyflogaeth megis Iechyd a Diogelwch, Perfformiad Personol a pherthnasoedd gwaith effeithiol.

Mae’r sgiliau galwedigaethol yn y cymhwyster yn cynnwys:-
● Paratoi ar gyfer, gweithredu a chwblhau godro da byw
● Monitro a chynnal y cyflenwad porthiant a dŵr i dda byw
● Cynnal iechyd a lles da byw yn ystod genedigaeth a gofalu am y fam a’r babi
● Paratoi a defnyddio tractor gydag offer cysylltiedig
● Cynnal offer a pheiriannau
● Rhoi triniaethau sylfaenol i dda byw


Mae’r holl unedau’n cynnwys gofyniad i ddysgwyr baratoi ar gyfer y tasgau, dangos arferion gwaith diogel trwy gydol y tasgau a gweithio i sicrhau diogelu’r amgylchedd trwy leihau halogiad a rheoli gwastraff.

Mae’r holl unedau’n cynnwys adran wybodaeth sy’n ei gwneud yn ofynnol i’r dysgwr ddangos dealltwriaeth yn y pwnc y tu hwnt i’r hyn sy’n ofynnol i gyflawni’r gwaith.

Bydd dysgwyr yn dewis unedau cyfunol i fodloni eu hanghenion dysgu a datblygu. Dyma gymhwyster Diploma, lle mae gofyn i gyflawni 37 credyd o'r unedau gorfodol a dewisol a ddewisir