ICDL Uwch - Uned Unigol Cyflwyniadau

Yr ICDL yw’r Ardystiad Rhyngwladol o Lythrennedd Digidol, a elwir yn flaenorol yn ECDL (Trwydded Yrru Gyfrifiadurol Ewropeaidd). Wrth ddefnyddio TG caiff yr ICDL ei gydnabod yn fyd-eang fel prawf o allu a chymhwysedd gan gyflogwyr, a ddefnyddir mewn dros 125 o wledydd ledled y byd.

Cynlluniwyd ICDL Uwch yn benodol ar gyfer y rheiny sydd am ennill cymhwyster meincnod lefel uwch mewn cyfrifiaduron er mwyn eu galluogi i ddatblygu eu sgiliau TG a gwella eu dyheadau gyrfa.

Mae’r manteision i staff sy’n ennill cymhwyster ICDL cydnabyddedig yn sylweddol -
● Helpu i leihau’r amser sy’n cael ei wastraffu gan staff cymorth TG wrth ddatrys tasgau sy’n gysylltiedig â chyfrifiaduron
● Helpu i leihau’r amser sy’n cael ei wastraffu wrth ddatrys tasgau sy’n gysylltiedig â chyfrifiaduron
● Darparu meincnod diriaethol ar gyfer cymhwysedd defnyddwyr cyfrifiaduron
● Datblygu hyder a chymhelliant

Mae'n gymhwyster a gydnabyddir yn rhyngwladol Mae’r ICDL yn cynnwys yr unedau canlynol -
● Prosesu Geiriau
● Cronfeydd Data
● Taenlenni
● Cyflwyniadau
● Gwella Cynhyrchiant - dim ond ar gael pan fydd y lleill wedi'u cwblhau

Mae cyflwyno’r cwrs yn seiliedig ar ddull hyblyg sy’n cael ei ddarparu ar y safle yng Ngholeg Cambria. Caiff y cymhwyster ei gyflwyno ar ffurf gweithdy, sy’n canolbwyntio ar y dysgwr. Bydd dysgwyr yn dysgu ar eu cyflymder a’u lefel gallu eu hunain, trwy ddeunyddiau electronig a/neu brint. Mae tiwtor ar gael bob amser yn ystod y sesiynau i roi arweiniad a chymorth. Gall dysgwyr ymuno â'r cwrs a'i adael unrhyw bryd pan fydd angen iddynt wneud hynny yn ôl eu gwybodaeth a'u lefelau gallu.

Ar ôl cofrestru, bydd gennych chi 12 mis i gwblhau eich cymhwyster.