Cyflwyniad Seiberddiogelwch Cisco a Hanfodion Seiberddiogelwch

Mae maes seiberddiogelwch yn un sy’n tyfu’n gyflym, gyda nifer o gyfleoedd swyddi yn dod i’r amlwg yn fwyfwy aml. Fel y cyfryw, mae hwn yn faes blaenoriaeth uchel i lawer o sefydliadau a chwmnïau.

Rhagwelir twf uchel yn y maes hwn ar gyfer y dyfodol, wrth i bobl a sefydliadau ddod yn fwyfwy cysylltiedig ac yn ddibynnol ar y cysylltiadau hynny ar gyfer holl agweddau eu bywyd digidol.

Wrth i’r rhain i gyd gynyddu, mae’r risg gan fygythiadau a throseddwyr seiber hefyd yn cynyddu, gan godi’r galw am weithwyr proffesiynol seiberddiogelwch.

Mae’r cwrs hwn yn cyfuno’r cyrsiau Cyflwyniad i Seiberddiogelwch a Hanfodion Seiberddiogelwch i un.

Fel y dywed Cisco - “Yn oes ‘The Internet of Everything (IoE), mae’r cysylltiadau rhwydweithiol o bobl, prosesau, data, a phethau’n creu angen mwy am isadeiledd diogelwch cadarn Mae’r twf esbonyddol o gysylltiadau rhwydweithiol yn rhoi data mewn lle mwy agored i niwed ac ymosodiadau, gan greu angen cynyddol am arbenigwyr seiberddiogelwch.”

Mae’r cwrs yn gymysgedd o sgiliau theori ac ymarferol, sy’n cael eu datblygu gan y tiwtor mewn cydweithrediad â meddalwedd safon diwydiant a deunyddiau Cisco.

Mae rhan gyntaf y cwrs yn cynnwys tueddiadau seiberddiogelwch a chyfleoedd gyrfa.

Y modiwlau a astudir -
● Yr angen am Seiberddiogelwch
● Ymosodiadau, Cysyniadau a Thechnegau
● Gwarchod eich Data a’ch Preifatrwydd
● Gwarchod y Sefydliad
● A fydd eich dyfodol chi mewn Seiberddiogelwch ?

Mae ail ran y cwrs yn cael cipolwg manylach ar faes seiberddiogelwch.

Y modiwlau a astudir -
● Seiberddiogelwch - Byd o Arbenigwyr a Throseddwyr
● Y Ciwb Seiberddiogelwch
● Bygythiadau Seiberddiogelwch, Gwendidau, ac Ymosodiadau
● Y Grefft o Warchod Cyfrinachau
● Y Grefft o Sicrhau Uniondeb
● Y Cysyniad o Bump Naw
● Gwarchod parth seiberddiogelwch
● Dod yn Arbenigwr Seiberddiogelwch

Byddwch yn dysgu -
● Deall rheolaethau diogelwch ar gyfer rhwydweithiau, gweinyddion a rhaglenni
● Dysgu egwyddorion diogelwch gwerthfawr a sut i ddatblygu polisïau sy’n cydymffurfio
● Cyflawni gweithdrefnau priodol ar gyfer cyfrinachedd ac argaeledd data
● Datblygu sgiliau meddwl yn feirniadol a datrys problemau gan ddefnyddio offer go iawn a Pecyn Olrhain Cisco

Gall y cwrs hwn eich helpu i helpu’r byd i gymryd rheolaeth dros ei ddata.

Bydd y canlyniad terfynol drwy arholiad ar-lein Cisco gan arwain at dystysgrif.