Cyflwyniad i Gyfryngau Cymdeithasol a Marchnata Digidol

Erbyn hyn mae gan y defnydd o gyfryngau cymdeithasol gyrhaeddiad mor enfawr nes bod marchnata digidol yn ceisio manteisio ar hyn, gan anelu at gysylltu ac ymgysylltu â darpar gwsmeriaid mewn ffordd bersonol trwy ystod o sianeli cyfryngau.

Mae marchnata digidol yn rhan annatod o strategaeth farchnata gyffredinol ac mae’n cynnwys defnyddio cyfryngau digidol a chymdeithasol i gynyddu ymwybyddiaeth a hysbysebu cynnyrch neu wasanaeth.
Bydd y cwrs yn eich cyflwyno i’r cysyniadau sydd ynghlwm â’r broses hon ac yn eich galluogi i ddefnyddio’r cyfryngau cymdeithasol a marchnata digidol mewn ffordd ddylanwadol.

Fel rhan o'r cwrs hwn bydd disgwyl i chi greu ac adolygu platfformau marchnata e-bost ac ystod o gyfrifon cyfryngau cymdeithasol i helpu i ddatblygu eich sgiliau, sut i adeiladu proffiliau perthnasol ac ystyried sut a pham y dylid datblygu cynnwys i ddiwallu anghenion gwahanol gynulleidfaoedd.

Cynnwys y Cwrs

● Cynllunio - adolygiad strategaeth Busnes, Marchnata a Chyfryngau Digidol
● Archwilio technolegau/platfformau cyfathrebu digidol
● Datblygu presenoldeb Cyfryngau Cymdeithasol i wella eich cyfleoedd busnes
● Datblygu Cynnwys Digidol - Testun, graffeg a CTA fel rhan o ymgyrchoedd wedi'u targedu
● Datblygu eich gwefan (os yw'n berthnasol) a datblygu eich cysylltedd gwefan i’r cyfryngau cymdeithasol ac oddi arnynt
● Optimeiddio Gwefan (SEO) (os yw'n berthnasol)
● Defnyddio offer AI