Dyfarniad Lefel 2 mewn Cyflwyniad i Godio Python

Ydych chi erioed wedi bod eisiau dysgu sut i godio? Oes gennych chi ddiddordeb mewn rhaglennu ac yr hoffech wybod o beth y mae rhaglenni meddalwedd wedi’u gwneud, ond erioed wedi bod yn siŵr lle i ddechrau?

Dyma’r cwrs i CHI!

Nod y cwrs Cyflwyniad i Godio Python yw eich cyflwyno i gysyniadau sylfaenol datblygu meddalwedd, a’r pŵer sydd ganddynt i helpu i siapio’r amgylcheddau digidol sydd o’n cwmpas bob dydd.

Ar ddiwedd y cwrs hwn byddwch yn gallu ysgrifennu rhaglen, ei mireinio, ei phrofi, a’i gweld yn gweithio. Byddwch yn dysgu rheolau iaith rhaglennu a sut i ysgrifennu cod i ddatblygu rhaglen lwyddiannus gan ddefnyddio’r iaith Python.

Nid oes angen unrhyw wybodaeth flaenorol oni bai am fod yn gyfarwydd â gweithrediadau safonol cyfrifiadur - dysgwch y sgiliau technegol sydd eu hangen arnoch i gyrraedd eich nodau ac i roi’r sgiliau a’r offer sydd eu hangen arnoch i lwyddo.

Mae’r cwrs yn dyfarnu Dyfarniad Lefel 3 Cymwysterau Gateway mewn Rhaglennu Cyfrifiadur.

Canlyniadau Dysgu’r Uned
1. Deall egwyddorion rhaglennu
2. Gallu dylunio rhaglen mewn ymateb i friff cleient
3. Gallu datblygu rhaglen gan ddefnyddio iaith raglennu sy’n seiliedig ar destun
4. Gallu profi, mireinio, cofnodi ac adolygu’r rhaglen

Mae'r cymhwyster uned sengl hwn wedi'i gynllunio i ddysgwyr ddysgu am egwyddorion rhaglennu cyfrifiadurol i ddeall sut mae rhaglennu'n gweithio. Byddwch yn datblygu sgiliau rhaglennu testun i ddylunio a datblygu eich rhaglen gyfrifiadurol eich hun.