Dyfarniad Lefel 3 City & Guilds mewn Addysg a Hyfforddi (QCF)

Mae Dyfarniad Lefel 3 mewn Addysg a Hyfforddiant yn gyflwyniad i addysgu a fydd yn rhoi cipolwg ar rolau, cyfrifoldebau a pherthnasoedd mewn addysg a hyfforddiant, sut i gynllunio a chyflwyno sesiynau addysgu cynhwysol a sut i asesu a rhoi adborth adeiladol.

Gall y cymhwyster hwn eich helpu i symud ymlaen mewn rolau addysgu/hyfforddi mewn ystod eang o sefydliadau yn y sector dysgu gydol oes. Mae’r rhain yn cynnwys:

● Sefydliadau Sector Cyhoeddus

● Sefydliadau Sector Preifat

● Addysg Bellach, Addysg Oedolion ac Addysg yn y Gymuned.

(Uned 301) Deall rolau, cyfrifoldebau a pherthnasoedd mewn addysg a hyfforddiant

Galluogi’r dysgwr i ddeall rôl a chyfrifoldebau athro a’r berthynas rhwng gwahanol weithwyr proffesiynol mewn addysg a hyfforddiant. Mae'n cynnwys cyfrifoldeb am gynnal amgylchedd dysgu diogel a chefnogol. [3 credyd]


(Uned 302) Deall a defnyddio dulliau addysgu a dysgu cynhwysol mewn addysg a hyfforddiant

Galluogi'r dysgwr i ddeall a defnyddio dulliau addysgu a dysgu cynhwysol. Mae'n cynnwys sut i greu amgylchedd dysgu sy'n ennyn diddordeb ac sy'n ysgogi a gallu cynllunio, cyflwyno a gwerthuso'r dulliau sy’n cael eu defnyddio. [6 credyd]


(Uned 305) Deall asesu mewn addysg a hyfforddiant

Galluogi'r dysgwyr i ddeall sut mae gwahanol fathau a dulliau asesu yn cael eu defnyddio. Mae'n cynnwys ffyrdd o gynnwys dysgwyr mewn asesu a gofynion ar gyfer cadw cofnodion effeithiol.
Mae hefyd yn cynnwys meicro-ddysgu ymarferol o 30 munud i gyfoedion ar bwnc wedi’i ddewis o'ch arbenigedd pwnc eich hun. [3 credyd]


Er mwyn ennill y Dyfarniad Lefel 3 llawn mewn Addysg a Hyfforddiant yn llwyddiannus, rhaid i ddysgwyr ennill y 12 credyd.