Hanfodion y Cyfryngau Cymdeithasol a Marchnata Digidol - Dyfarniad Lefel 2 mewn Marchnata Digidol

Mae marchnata digidol yn rhan annatod o strategaeth farchnata gyffredinol ac mae’n cynnwys defnyddio cyfryngau digidol a chymdeithasol i gynyddu ymwybyddiaeth a hysbysebu cynnyrch neu wasanaeth.

Wrth ddefnyddio cyfryngau cymdeithasol, mae defnyddwyr yn cynhyrchu llawer iawn o wybodaeth, sydd hefyd yn rhyngweithio ac yn rhannu gwybodaeth yn fwy nag erioed.

Erbyn hyn mae gan y defnydd o gyfryngau cymdeithasol gyrhaeddiad mor enfawr nes bod marchnata digidol yn ceisio manteisio arno, gan anelu at gysylltu ac ymgysylltu â darpar gwsmeriaid mewn ffordd bersonol trwy ystod o sianeli cyfryngau.

Bydd y cwrs yn eich cyflwyno i’r cysyniadau angenrheidiol sydd ynghlwm â’r broses hon ac yn eich galluogi i ddefnyddio’r cyfryngau cymdeithasol a marchnata digidol mewn ffordd ddylanwadol.

Fel rhan o'r cwrs hwn bydd disgwyl i chi greu ystod o gyfrifon cyfryngau cymdeithasol ffug i helpu i ddatblygu eich sgiliau a chreu proffiliau perthnasol. Byddwch yn defnyddio'r proffiliau a'r offer marchnata hyn i helpu i hyrwyddo busnesau bach ffug.

Mae’r cwrs yn dyfarnu Dyfarniad Lefel 3 Cymwysterau Gateway mewn Marchnata Digidol.

Canlyniadau Dysgu’r Uned
1. Gwybod am ddulliau marchnata digidol sy’n cael eu defnyddio mewn sectorau gwahanol
2. Deall ymgyrchoedd marchnata digidol
3. Gallu creu cynnig ar gyfer ymgyrch marchnata digidol i hyrwyddo cwmni, cynnyrch neu wasanaeth i gynulleidfa

Yn ystod y Dyfarniad hwn, y nod ydy bod dysgwyr gynllunio a rheoli ymgyrch marchnata. Byddwch yn ymchwilio ystod o lwyfannau sy’n cael eu defnyddio ar gyfer marchnata digidol fel teledu, hysbysebu digidol a phrint, gwefannau a’r cyfryngau cymdeithasol yn sail i greu eu hymgyrch eu hunain. Gallai hynny fod i hyrwyddo cynnyrch neu godi ymwybyddiaeth o fater. Byddwch yn gwerthuso eich ymateb wrth ymateb i friff dylunio a nodi gwelliannau ar gyfer y dyfodol.