Ydych chi’n chwarae gemau fideo? Ydych chi erioed wedi meddwl sut maen nhw’n cael eu creu? Hoffech chi ddysgu sut i wneud golygfeydd ar gyfer lefel mewn gêm cyfrifiadur?

Os felly, dyma’r cwrs i chi!

Bydd y cwrs Cyflwyniad i Greu Gemau Cyfrifiadur yn dangos hanfodion creu gemau digidol i chi. Nod y cwrs yw dangos hanfodion creu gemau digidol i chi, cymhwyso technegau gwahanol y mae’r rhan fwyaf ohonom sydd gyda diddordeb mewn gemau wedi gweld dro ar ôl tro.

Defnyddir y feddalwedd hon i greu amgylcheddau 3D, ac fel y cyfryw mae hefyd yn berthnasol i bobl neu gwmnïau sydd â diddordeb mewn pethau fel Realiti Rhithwir a datblygiad Efaill Digidol.

Ar ddiwedd y cwrs hwn, byddwch yn gallu defnyddio'r technegau a ddangosir, o fewn rhaglen Unreal Engine 5. Mae Unreal Engine yn ddarn o feddalwedd rhad ac am ddim sy'n eiddo i Epic Games. Byddwch chi’n defnyddio’r technegau i greu saethwr person cyntaf lle byddwch chi hefyd yn ychwanegu Deallusrwydd Artiffisial i elyn. Byddwch chi hefyd yn dysgu sut i greu bar iechyd chwaraewr, gosod gwrthrychau peryglus sy’n gallu peryglu iechyd chwaraewr, casglu eitemau casgladwy a llwythi o dechnegau creu gemau defnyddiol.

Mae’r cwrs yn Ddyfarniad Lefel 2 Cymwysterau Gateway mewn Dylunio a Datblygu Gemau.

Canlyniadau Dysgu’r Uned
1. Gallu deall gwahanol fathau o gemau cyfrifiadur
2. Gallu dylunio gêm cyfrifiadur mewn ymateb i friff cleient
3. Gallu datblygu a phrofi gêm cyfrifiadur
4. Gallu gwerthuso gêm cyfrifiadur

Yn yr uned hon, bydd dysgwyr yn datblygu syniad cychwynnol i gêm 2D neu 3D. Byddwch yn dangos sut byddai’r gêm yn edrych, yn ogystal â manyleb ddylunio sy’n dogfennu pob agwedd o’r gêm. Yna byddwch yn creu asedau ar gyfer injan y gêm ac yn ychwanegu rhyngweithio i greu gêm mae modd ei chwarae. Mae’r uned hefyd yn galluogi dysgwyr i gael adborth ar eu gwaith i’w ystyried a datblygu ymhellach.