Mae gweithwyr proffesiynol Trin Gwallt Uwch a Chreadigol yn greadigol, angerddol a llawn ysfa, sy’n gweithio heb gael eu goruchwylio, gan reoli nhw eu hunain ac eraill pan fo angen. Bydd dysgwyr yn darparu gwasanaeth o safon, gan weithio i’r safonau uchaf a pharhau i ddatblygu eu sgiliau personol a phroffesiynol. Mae dysgwyr yn cymryd perchnogaeth dros eu gwaith a’u rhestr cleientiaid, yn derbyn cyfrifoldeb, yn rhagweithiol, yn hyblyg ac yn gallu addasu, yn cynllunio eu gwaith a’u hamser; maen nhw’n anelu am ragoriaeth gan gymryd balchder eithriadol yn eu gwaith a'u diwydiant. Bydd dysgwyr yn cyflwyno tueddiadau ffasiwn gwallt, sy'n arddulliau arloesol wedi'u hysbrydoli gan ddelweddau cyfoes a'u creadigrwydd eu hunain, dawn unigol, dychymyg a dehongliad.

Rhaid i ddysgwyr gyflawni pob uned orfodol sy’n cynnwys:

Darparu gwasanaethau ymgynghori â chleientiaid
Gwasanaethau torri uwch a chreadigol
Gwasanaethau steilio a gorffen gwallt creadigol, yn ôl ffasiwn
Darparu gwasanaethau llyfnu a chryfhau
Gwasanaethau lliwio uwch a chreadigol
Defnyddio tueddiadau ffasiwn ar gyfer gwallt, technegau creadigol a manwl i greu casgliad o steiliau gwallt

Trwy gydol y cymhwyster, bydd dysgwyr yn arddangos sgiliau trosglwyddadwy, dyletswyddau, ymddygiadau a sgiliau cyfathrebu, arferion gwaith diogel a’r proffesiynoldeb a’r gwerthoedd sy’n ymwneud â’u swydd.

Rhaid i’r dyletswyddau canlynol gael eu harddangos trwy gydol y cymhwyster hwn:

Arddangos proffesiynoldeb drwy gynnal cyfrinachedd a disgresiwn
Ymchwilio i dueddiadau ffasiwn, gan ddefnyddio’r canlyniadau i greu, cynllunio a hyrwyddo casgliad o steiliau gwallt sy’n eu hadlewyrchu nhw fel unigolyn
Dadansoddi’r ffactorau sy’n dylanwadu ar ddyluniad a chreu'r casgliad o steiliau gwallt, gan gynnwys y gynulleidfa darged
Dylunio ystod o steiliau i greu casgliad o’r steiliau gwallt diweddaraf
Cynnal dulliau gweithio effeithiol a diogel
Defnyddio ac addasu ystod o ganllawiau torri, technegau creadigol a manwl gywir a sgiliau technegol i greu a gwella'r casgliad o steiliau gwallt
Cyflawni gwaith torri manwl gywir a phersonol wedi'i deilwra i nodweddion cleientiaid unigol
Llunio gwasanaethau trosi lliw datblygedig creadigol llawn dychymyg i newid dyfnder a thôn y gwallt
Defnyddio amrywiaeth o dechnegau gorffen a gwisgo creadigol, technegau lliwio datblygedig a chreadigol i wella'r casgliad o steiliau gwallt
Cyflwyno, arddangos a hyrwyddo eu sgiliau trwy eu casgliad o steiliau gwallt yn edrych yn fewnol gan ddefnyddio cyfrwng gweledol
Darparu gwasanaeth cryfhau a llyfnu i gleientiaid
Cynnal ymgynghoriad manwl a dadansoddiad cymhleth o'r gwallt
Defnyddio a chymhwyso'r cynhyrchion, yr offer a'r cyfarpar, yn unol â gofynion cyfreithiol, cyfarwyddiadau'r gwneuthurwr a pholisi salon
Darparu cyngor ar wasanaethau a chynhyrchion yn y dyfodol
Gwerthuso canlyniadau'r gwasanaeth i wella arfer pellach