Cyflwyniad i Yriannau Cyflymder Newidiol (Gwrthdroyddion)

Mae Gyriannau Cyflymder Amrywiol (VSDs), sydd hefyd yn cael eu galw’n Gyriannau Amledd Amrywiol (VFDs) neu’n Gwrthdroyddion, yn rheoli’r llif o egni o’r prif gyflenwad i yrru moduron diwydiannol y byd. Mae bron i 70% o’r holl egni trydanol sy’n cael ei ddefnyddio yn pweru moduron trydan. Mae busnesau yn dibynnu ar y moduron hyn. Bydd y rhain yn amrywio o bwmpiau sy'n symud hylifau i wyntyllau sy'n symud aer i gywasgwyr aer, cludyddion a phob math o beiriant sy'n dibynnu ar rym cylchdro i gyflawni'r gwaith.

Mae VSDs yn gwella’n fawr effeithlonrwydd egni nifer o gymwysiadau ac yn cynnig: effeithlonrwydd gweithredol gwell, costau llafur llai, gostyngiad mewn biliau trydan, ad-daliad ariannol cyflym, costau cynnal a chadw a darnau sbâr sy'n llai ac oes offer hirach.

Mae'r cwrs hwn yn cyflwyno'r dysgwr i yriannau modur modern ac yn gorffen gyda dysgwyr yn cyflawni tasgau ymarferol ar VSDs diwydiannol nodweddiadol.

Deilliannau dysgu

Ar ôl cwblhau’r cwrs hwn, bydd y dysgwr yn:

● Gwerthfawrogi dulliau amrywiol o ddechrau modur.
● Deall y manteision ac anfanteision o ddulliau amrywiol.
● Deall pam bod angen gyriannau modur a’r manteision o’u defnyddio.
● Gwerthfawrogi theori sylfaenol modur anwythiad.
● Dysgu am dechnoleg gyriannau a rheoli amledd.
● Trafod sut mae trawsnewidydd amledd yn gweithio.
● Deall Modyliad Lled Pwls a Thechnoleg IGBT.
● Gallu gosod ac addasu paramedrau gyriant cyffredin.