Astudiaethau ffilm Lefel A

Wrth wraidd yr holl astudiaethau ffilm mae cydnabyddiaeth bod ffilmiau'n cael eu gwneud: cânt eu hadeiladu gan ddefnyddio ystod o elfennau - sinematograffi, mise-en- scène, sain, golygu a pherfformio (elfennau allweddol ffurf ffilm) - sy'n cael eu trefnu'n strwythurol o ran naratif ac yn aml genre (elfennau strwythurol ffurf ffilm). Mae’r modd y
mae gwneuthurwyr ffilm yn defnyddio'r elfennau hyn, yn aml mewn ffyrdd cymhleth a hynod artistig, yn rhan fawr o'r hyn sy'n astudiaeth ffurfiol o ffilmiau.

Yr un mor bwysig mae sut mae gwylwyr yn ymateb I'r gwaith y mae gwneuthurwyr ffilm yn ei greu a sut mae dysgwyr yn dehongli'r ffilmiau gan gyfeirio at ymateb gwylwyr, cyd-destunau perthnasol, dulliau beirniadol a dadleuon. Yn ei dro, mae'r astudiaethau ffurfiol hyn yn cael effaith uniongyrchol ar waith dysgwyr eu hunain fel gwneuthurwyr ffilm
ac ysgrifenwyr sgrin.

Rhan 1: Amrywiaethau ffilmiau a gwneud ffilmiau

● Adran A: Hollywood 1930-1990 (astudiaeth gymharol)
● Adran B: Ffilmiau o America ers 2005 (astudio dwy ffilm)
● Adran C: Ffilmiau o Brydain ers 1995 (astudio dwy ffilm)

Rhan 2: Safbwyntiau gwneud ffilmiau byd-eang

● Adran A: Ffilmiau byd-eang (astudio dwy ffilm)
● Adran B: Ffilmiau dogfen
● Adran C: Symudiadau ffilmiau – Sinema di-sain
● Adran D: Symudiadau ffilmiau – Ffilmiau arbrofol (1960-2000)

Rhan 3: Cynhyrchu

Bydd y cynhyrchiad ar ffurf naill ai sgript ffilm yn y flwyddyn gyntaf a ffilm fer yn yr ail flwyddyn. Rhaid i ddysgwyr hefyd ddarparu dadansoddiad gwerthusol o'r cynhyrchiad, sy'n dadansoddi ac yn gwerthuso'r cynhyrchiad mewn perthynas â ffilmiau eraill a gynhyrchwyd yn broffesiynol.