Lefel 3 Cynllun Hyfforddiant Diploma AGCO

Mae’r Cynllun Hyffordd Diploma AGCO hwn yn bartneriaeth rhwng AGCO, sy’n flaenllaw mewn diwydiant, a Choleg Cambria Llysfasi, sy’n arbenigwyr mewn addysg peirianneg amaethyddol. Cafodd yr hyfforddiant hwn, a gafodd ei gymeradwyo gan y diwydiant, ei lunio i alluogi peirianwyr amaethyddol ifanc symud ymlaen i swyddi delwriaethau AGCO ledled y Deyrnas Unedig.

Mae'r cymhwyster hwn yn cynnwys yr holl sgiliau, gwybodaeth a dealltwriaeth sy'n ofynnol yn y diwydiant peirianneg tir. Byddwch yn astudio ystod eang o feysydd, gan gynnwys: iechyd a diogelwch, cyfrifiadau ar gyfer peirianneg gwasanaethu a phrosesau gweithdy. Byddwch yn dysgu sut i drwsio peiriannau, systemau cerbydau, systemau trydan a systemau hydrolig, yn ogystal â phrofi systemau electronig. Byddwch hefyd yn dysgu sut i drwsio systemau trawsyriant pŵer mecanyddol, trawsyriannau syncro-mesh a chydwyr, trawsyriannau trosglwyddo pŵer a thrawsyriannau hydrostatig neu hydro-fecanyddol (CVT). Byddwch hefyd yn dysgu sut i drwsio peiriannau aredig neu ddrilio, peiriannau chwistrellu, peiriannau cynaeafu porthiant a pheiriannau cynaeafu cnydau gwreiddlysiau neu beiriannau y gellir eu cyfuno.

Mae’r Cynllun Hyffordd Diploma AGCO yn gyfle i “ennill cyflog wrth i chi ddysgu”.
Trwy gymryd rhan yn y Cynllun Hyffordd Diploma AGCO, a’i gwblhau’n llwyddiannus, bydd gennych gymhwyster a gafodd ei gymeradwyo gan y diwydiant, a byddwch yr un pryd yn meithrin sgiliau a chael profiad ymarferol gwych drwy gynllun gyda chefnogaeth gweithgynhyrchwr ac yn ennill cyflog. Mae Cynlluniau Hyfforddi Diploma AGCO wedi helpu nifer fawr o bobl ifanc i ymuno â’r sector peirianneg peiriannu’r tir yn y Deyrnas Unedig.

Mae’r cwrs yn cael ei addysgu’n bennaf drwy sesiynau ymarferol yn ein gweithdy sy'n arwain y sector, gan ddarlithwyr a hyfforddwyr sydd wedi’u hyfforddi gan AGCO. Byddwch yn defnyddio'r offer a'r peiriannau diagnostig diweddaraf, gweithrediadau tractor a gwaith maes, gweithgareddau ystafell ddosbarth, ymweliadau a siaradwyr gwadd. Byddwch yn dysgu trwy ddefnyddio nifer o wahanol ddulliau, gan gynnwys sesiynau theori, gwaith unigol, gwaith grŵp a thasgau ymarferol.

Mae’r cwrs yn cynnwys Hyfforddiant Technegol Gwneuthurwr yn academi hyfforddi AGCO.
Gall cymwysterau deddfwriaethol gynnwys, Gyrru Tractor, Gyrru Peiriant Telesgopig, Weldio, Cerbydau Pob Tir (ATV), Tryc Fforch Godi, Olwynion Sgraffinio, Gofal Cwsmer, Gosodiadau, Aerdymheru a Thrin Oerydd