Lefel 3 Cynllun Hyfforddiant Diploma Gofal Tir Kubota

Mae’r Cynllun Prentisiaeth Diploma Kubota yn bartneriaeth rhwng arweinwyr Kubota gwneuthurwr peiriannau amaethyddol blaenllaw yn y byd, ac arbenigwyr addysg peirianneg amaethyddol, Coleg Cambria Llysfasi. Mae’r hyfforddiant, a gymeradwyir gan y diwydiant, wedi’i lunio i alluogi peirianwyr gofal tir ifanc i symud ymlaen i swyddi mewn delwriaethau gofal tir Kubota ledled y Deyrnas Unedig.

Mae'r cymhwyster hwn yn cynnwys yr holl sgiliau, gwybodaeth a dealltwriaeth sydd eu hangen yn y diwydiant peirianneg gofal tir. Byddwch chi’n astudio ystod eang o feysydd sy’n cynnwys iechyd a diogelwch, cyfrifiadau ar gyfer peirianneg gwasanaethau a phrosesau gweithdai. Byddwch chi’n dysgu sut i drwsio ystod o offer meysydd chwaraeon a gofal tir, gyriannau hydrostatig, systemau cerbydau, systemau trydanol a systemau hydrolig, systemau electronig prawf a systemau trawsyriant. Yn ogystal byddwch chi’n dysgu sut i gynnig y gwasanaethau i gwsmeriaid gorau i gleientiaid a chyflenwyr.

Mae Prentisiaeth Kubota yn gyfle i “ennill wrth i chi ddysgu”. Trwy gwblhau prentisiaeth Kubota yn llwyddiannus, byddwch yn cyflawni cymhwyster a gymeradwyir gan y diwydiant, ochr yn ochr â meithrin sgiliau ymarferol ardderchog trwy gynllun y mae gwneuthurwr yn ei gymeradwyo ac ennill cyflog.

Caiff y cwrs ei addysgu’n bennaf trwy sesiynau ymarferol yn ein gweithdy blaenllaw'r diwydiant gan ddefnyddio’r ystod ddiweddaraf o offer gofal tir. Caiff y ddarpariaeth yn y dosbarth ei gwella trwy amrywiaeth o deithiau, ymweliadau a siaradwyr gwadd. Byddwch chi’n dysgu gan ddefnyddio amrywiaeth o ddulliau, gan gynnwys sesiynau theori, gwaith unigol a gwaith grŵp, a thasgau ymarferol.

Mae'r cwrs yn cynnwys Hyfforddiant ar Gynnyrch gan y Gwneuthurwr gan ysgol hyfforddi Kubota. Hefyd, byddwch chi’n cael y cyfle i fynd i’r afael ag asesiadau allanol i ennill tystysgrifau cymhwysedd.