Daearyddiaeth - Lefel A

Mae llawer o fyfyrwyr yn dewis Daearyddiaeth oherwydd y cwmpas y mae'n ei ddarparu ar gyfer astudio ystod eang o themâu a materion cyfredol, y mewnwelediadau pwysig mae'n ei gynnig ar gyfer deall ein byd cyfoes, a'r cyfle i roi’r wybodaeth hon ar waith drwy waith maes. Ystyrir Daearyddiaeth fel "pwnc hwyluso" ar gyfer mynediad i brifysgol ac mae ganddo lefel anhawster sy'n gysylltiedig â hyn. Mae'r cwrs yn adeiladu ar bynciau TGAU Daearyddiaeth ac mae'n cynnwys sgiliau ysgrifennu traethodau, dadansoddi data, dehongli mapiau, technoleg gwybodaeth, gwaith maes ac ymchwil personol. Ein nod yw rhoi’r addysg safon orau i fyfyrwyr er mwyn iddynt feithrin ystod eang o sgiliau, a’u paratoi ar gyfer gyrfa werth chweil a llwyddiannus. Rydym yn ceisio cyflawni hyn mewn adran ysgogol, gefnogol, a chyfeillgar.

Uwch Gyfrannol (UG)

Uned 1: Tirweddau Newidiol
Adran A: Tirweddau Arfordirol
Adran B: Peryglon Tectonig

Uned 2: Lleoedd Newidiol
Adran A: Lleoedd Newidiol
Adran B: Ymchwiliad Gwaith Maes mewn Daearyddiaeth Ffisegol a Dynol

Safon Uwch

Uned 3: Systemau Byd-eang a Rheolaeth Fyd-eang

Adran A: Systemau Byd-eang - Cylchredau Dŵr a Charbon:

Adran B: Rheolaeth Fyd-eang: Newid a Sialensiau - Prosesau a phatrymau mudo byd-eang a dulliau byd-eang o reoli cefnforoedd y Ddaear:

Adran C: Sialensiau’r 21ain Ganrif

Uned 4: Themâu Cyfoes mewn Daearyddiaeth
Adran A: Peryglon Tectonig
Adran B: Themâu Cyfoes mewn Daearyddiaeth – Twf a Sialens Economaidd: Tsieina a Sialensiau a Dilemâu Egni

Dwy thema ddewisol o blith pedair:
• Ecosystemau • Twf a Sialens Economaidd: India neu China neu Ddatblygiad yn Affrica Is-Sahara
• Sialensiau a Dilemâu Egni • Tywydd a Hinsawdd
Dau gwestiwn traethawd un ar bob un o’r themâu

Uned 5: Ymchwiliad Annibynnol
Asesiad di-arholiad: 3000 – 4000 gair wedi’i seilio ar gasglu data cynradd a gwybodaeth eilaidd


Mae ymweliadau maes yn rhan orfodol o’r cwrs ac yn sail i’r holl bynciau fel gofyniad ar gyfer y gwaith cwrs sy'n ofynnol gan y fanyleb newydd. Bydd gofyn i fyfyrwyr gynllunio, casglu data, dadansoddi a gwerthuso data y byddant yn ei gasglu’n annibynnol.