Astudiaethau Ffilm - Lefel A

Craidd yr holl astudiaethau ffilm yw cydnabyddiaeth bod ffilmiau’n cael eu cynhyrchu: fe’u llunir gan ddefnyddio ystod o elfennau – sinematograffeg, mise-en-scène, sain, golygu a pherfformiad (elfennau allweddol ffurf ffilm) – sy’n cael eu trefnu’n strwythurol o ran naratif a genre yn aml (elfennau strwythurol ffurf ffilm). Mae sut mae gwneuthurwyr ffilm yn defnyddio’r elfennau hyn, mewn ffyrdd artistig a chymhleth iawn yn aml, yn rhan fawr o’r hyn sy’n cael ei gyfri fel astudiaethau ffilm ffurfiol.

Yr un mor bwysig yw sut mae’r gwylwyr yn ymateb i’r gwaith mae gwneuthurwyr ffilmiau yn ei greu a sut mae dysgwyr yn dehongli’r ffilmiau gan gyfeirio at ymateb gwylwyr, cyd-destunau perthnasol, dulliau beirniadol a thrafodaethau. Yn eu tro mae’r astudiaethau ffurfiol hyn yn cael effaith uniongyrchol ar waith y dysgwyr eu hunain fel gwneuthurwyr ffilmiau a sgriptwyr ffilmiau.


Cydran 1: Amrywiaethau ffilm a chynhyrchu ffilmiau
● Adran A: Hollywood 1930-1990 (astudiaeth gymharol)
● Adran B: Ffilmiau Americanaidd ers 2005 (astudio dwy ffilm)
● Adran C: Ffilmiau Prydeinig ers 1995 (astudio dwy ffilm).

Cydran 2: Persbectif cynhyrchu ffilmiau byd-eang
● Adran A: Ffilmiau byd-eang (astudio dwy ffilm)
● Adran B: Ffilm ddogfennol
● Adran C: Datblygiadau ffilm – sinema fud
● Adran Ch: Datblygiadau ffilm – ffilmiau arbrofol (1960-2000)

Cydran 3: Cynhyrchu
Bydd y cynhyrchiad ar ffurf sgript ffilm yn yr ail flwyddyn. Rhaid i ddysgwyr ddarparu dadansoddiad gwerthuso’r cynhyrchiad hefyd, sy’n dadansoddi a gwerthuso’r sgript ffilm yng nghyswllt ffilmiau eraill wedi’u cynhyrchu’n broffesiynol.