Cymdeithaseg - Lefel A

Mae cymdeithaseg yn bwnc poblogaidd a difyr oherwydd gall myfyrwyr ei weld yn uniongyrchol berthnasol i’w bywydau nhw, ac yn borth at lawer o yrfaoedd proffesiynol diddorol. Mae gwersi’n cynnwys ystod eang o ddulliau addysgu, ond yn fwyaf poblogaidd mae’r trafodaethau bywiog gall y pwnc hwn eu sbarduno. Anogir myfyrwyr i ddadansoddi, asesu a gwerthuso ar lafar ac yn ysgrifenedig, gan roi ystod eang o sgiliau trosglwyddadwy iddynt. Anogir dysgu annibynnol, a chynorthwyir pob myfyriwr i feithrin dyheadau i wneud y gorau o’u potensial. Nid oes angen gwybodaeth flaenorol am y pwnc, ond mae’n fantais petai gan fyfyrwyr ddiddordeb mewn materion cymdeithasol a gwleidyddol cyfoes a chyda ymwybyddiaeth ohonynt.

Mae’r cwrs Cymdeithaseg Safon Uwch yn dilyn manyleb CBAC.
Mae Cymdeithaseg yn defnyddio theorïau a chysyniadau i archwilio materion a themâu fel:

UNED 1 UG: MAGU DIWYLLIANT (Arholiad ysgrifenedig: 1 awr 15 munud).
Adran A – Un cwestiwn strwythuredig ar gysyniadau a phrosesau allweddol trosglwyddiad diwylliannol, cymdeithasoli a chaffael hunaniaeth.
Adran B – Diwylliant Ieuenctid yn cynnwys cwestiwn gorfodol a dewis rhwng dau gwestiwn traethawd.


UNED 2 UG: DEALL CYMDEITHAS A DULLIAU YMCHWILIO CYMDEITHASEGOL (Arholiad ysgrifenedig: 2 awr).
Adran A – Dulliau Ymchwilio Cymdeithasegol.
Adran B – Deall Cymdeithas: Addysg

UNED 3 SAFON UWCH: GRYM A RHEOLI (Arholiad ysgrifenedig: 2 awr.)
Mae'r cwestiynau yn yr adran hon ar thema Cymdeithaseg y Byd.

UNED 4 SAFON UWCH: ANGHYDRADDOLDEB CYMDEITHASOL A DULLIAU CYMHWYSOL YMCHWILIO CYMDEITHASEGOL (Arholiad ysgrifenedig: 2 awr 15 munud).
Adran A – Dulliau Cymhwysol Ymchwilio Cymdeithasegol.
Adran B – Anghydraddoldeb Cymdeithasol. Mae cwestiynau’r adran hon ar thema gwahaniaethu a haenau cymdeithasol.

Mae’r cwrs hwn yn un trwm, sy’n gofyn am sgiliau llythrennedd ar gyfer traethodau, a sgiliau dadansoddi a gwerthuso ar gyfer ymchwilio astudiaethau a thestunau methodolegol.