Diploma Estynedig Lefel 3 City & Guilds mewn Technoleg Diwydiannau'r Tir (rhyddhau bloc annibynnol Gofal Tir)

Mae’r rhaglen hyfforddi peiriannau gofal tir wedi cael ei datblygu gan wneuthurwyr peiriannau blaenllaw ac arbenigwyr addysg peirianneg Coleg Cambria Llysfasi. Mae'r hyfforddiant hwn sydd wedi'i gymeradwyo gan y diwydiant wedi'i gynllunio i gefnogi gwerthwyr peiriannau gofal tir yn lleol ac ar draws y DU.

Mae'r cymhwyster hwn yn cynnwys yr holl sgiliau, gwybodaeth a dealltwriaeth sydd eu hangen yn y diwydiant Gofal Tir a pheirianneg diwydiannau'r tir. Byddwch yn astudio ystod eang o feysydd sy’n cynnwys iechyd a diogelwch, cyfrifiadau ar gyfer peirianneg gwasanaethau a phrosesau gweithdai. Byddwch yn dysgu sut i drwsio injans, systemau cerbydau, systemau trydanol, systemau hydrolig, a systemau electronig prawf. Yn ogystal â hynny, byddwch yn dysgu sut i drwsio systemau trawsyriant pŵer mecanyddol, trawsyriannau a chydwyr syncro-mesh, trawsyriannau symud pŵer, a thrawsyriannau hydrostatig neu hydro-fecanyddol (CVT). Byddwch hefyd yn dysgu sut i atgyweirio peiriannau torri gwair, peiriannau aredig neu ddrilio, peiriannau taenu a gofal cwsmeriaid a throsglwyddo a gosod peiriannau hefyd.

Mae’r cwrs yn cael ei addysgu’n bennaf drwy sesiynau ymarferol yn ein gweithdy o’r radd flaenaf, gan ddarlithwyr a hyfforddwyr a hyfforddwyd gan y diwydiant, gan ddefnyddio’r offer a pheiriannau diagnostig diweddaraf, gweithredu tractorau a gwaith maes, gweithgareddau yn yr ystafell ddosbarth, ymweliadau a siaradwyr gwadd. Byddwch yn dysgu gan ddefnyddio amrywiaeth o ddulliau, gan gynnwys sesiynau theori, gwaith unigol a gwaith grŵp, a thasgau ymarferol.

Bydd y cwrs yn rhoi’r cyfle i chi ddilyn cymwysterau ychwanegol fel Gyrru Tractor, Triniwr Telesgopig, Weldio, Olwynion Sgraffinio, ATV, Tryc Fforch godi, Gofal Cwsmeriaid, Gosod, Aer Dymheru a Thrin Oeryddion.