Cyflwyniad i Ofal Anifeiliaid Lefel 1

Mae'r cwrs hwn yn darparu cyflwyniad i ofal anifeiliaid ac mae ganddo ffocws ymarferol, galwedigaethol sy'n cael ei gefnogi gyda sesiynau yn yr ystafell ddosbarth, y cyfan wedi'u cynllunio i ymestyn ac annog datblygu sgiliau, gwybodaeth, dealltwriaeth a phrofiad er mwyn gweithio tuag at gael cyflogaeth sy'n gysylltiedig ag anifeiliaid.
Mae'r rhaglen Cyflwyniad Lefel 1 i ofal anifeiliaid wedi'i anelu at ddysgwyr heb fawr o brofiad ym maes gofal anifeiliaid, os o gwbl, ac yn chwilio am lwybr mwy galwedigaethol i'r sector gofal anifeiliaid.

Ymhlith y pynciau y byddwch yn eu hastudio mae iechyd a llesiant anifeiliaid, trin anifeiliaid,
bwydo a dyfrio, a llety anifeiliaid.

Byddwch yn cymryd rhan yn y broses o helpu i ofalu am yr ystod eang o anifeiliaid yn y coleg a gweithio ym mhob maes o'r ganolfan anifeiliaid i ddarparu ystod eang o ddysgu drwy brofiad.

Bydd y Ganolfan Gofal Anifeiliaid a Rhywogaethau Prin rhagorol yn rhoi cyfle i chi ennill sgiliau ymarferol gwerthfawr, gyda mynediad at dros gant o rywogaethau o anifeiliaid gan gynnwys cwningod, moch cwta, llygod mawr, llygod, ieir, hwyaid, ffuredau, cŵn, defaid, geifr, moch a physgod. Byddwch hefyd yn ymdrin ag ystod eang o wybodaeth ategol a bydd y cyfuniad hwn yn eich rhoi chi ar ben ffordd yn eich llwybr gyrfa dewisol.

Bydd y dysgu mor hwyliog â phosibl a byddwch yn dysgu drwy amrywiaeth o ddulliau, gan gynnwys gweithgareddau yn yr ystafell ddosbarth, gwaith unigol a grŵp, gwaith ymarferol, ac yn defnyddio ystod o dechnoleg dysgu fodern.

Bydd datblygiad Llythrennedd a Rhifedd yn ffocws craidd i bob dysgwr ar y rhaglen gyda phob dysgwr yn cael cyfle i sefyll cymwysterau Sgiliau Hanfodol Cymru mewn Cyfathrebu a Chymhwyso Rhif.
Bydd Anogwr Cynnydd yn cael ei bennu i ddysgwyr a fydd yn eu cefnogi drwy gydol eu hamser ar y rhaglen. Bydd yn sicrhau bod unrhyw gymorth ADY yn cael ei roi ar waith cyn i ddysgwyr ddechrau a bod unrhyw anghenion cymorth newydd a all godi yn cael eu hymgorffori yn eu rhaglen i'w helpu i lwyddo. Cefnogir y cwrs yn llawn i ddiwallu anghenion unigol a gwahaniaethau dysgu.