VTCT Lefel 2 NVQ Diploma mewn Therapi Harddwch ac Ewinedd (Dysgu ar Garlam)

Mae’r cwrs hwn yn gymhwyster ‘barod i weithio’ sy’n seiliedig ar y Safonau Galwedigaethol Cenedlaethol.

Bydd y cymhwyster hwn yn rhoi'r wybodaeth, y ddealltwriaeth a'r sgiliau angenrheidiol i chi weithio'n gymwys fel therapydd harddwch. Trwy gydol y cymhwyster hwn, byddwch yn sicrhau cyfrifoldeb i leihau risgiau i iechyd a diogelwch, hyrwyddo gwasanaethau neu gynhyrchion ychwanegol i gleientiaid, datblygu a chynnal eich effeithiolrwydd yn y gwaith, darparu triniaeth gofal croen yr wyneb, gwella ymddangosiad aeliau a blew, cynnal gwasanaethau cwyro a darparu triniaethau i’r traed a’r dwylo ac ewinedd gel.

Mae’r cymhwyster yn cynnwys elfen ymarferol, theori ac arholiadau. Enghraifft o rai o’r pynciau y byddwch chi’n eu hastudio ydy; anatomi a ffisioleg, iechyd a diogelwch, a gwerthu cynnyrch a gwasanaethau. Felly mae disgwyl y bydd dysgwyr yn astudio yn eu hamser eu hunain yn ychwanegol at y sesiynau sydd wedi’u hamserlennu yn y coleg, i gwblhau gwaith sy’n cael ei osod fel gwaith cartref.

Ochr yn ochr â hyn, bydd dysgwyr yn meithrin eu sgiliau cyfathrebu a gwasanaethau i gwsmeriaid, eu gwybodaeth am gynaliadwyedd amgylcheddol a’u sgiliau masnachol. Mae cyflogwyr yn rhoi gwerth mawr ar y rhain i gyd. Bydd sgiliau datrys problemau, gwaith tîm, ac ymchwilio hefyd yn cael eu meithrin.

Bydd dysgwyr yn cwblhau sesiynau profiad gwaith yn rheolaidd yn ein salon harddwch a sba o’r radd flaenaf wrth astudio eu cymwysterau. Mae meithrin sgiliau cyflogadwyedd yn elfen hanfodol o’r cwrs hwn

Yn ogystal â chymhwyster Lefel 2 Harddwch a Ewinedd, mae'r maes dysgu rhaglen yn cynnwys yr elfennau gorfodol canlynol i'r cwrs:

● Hyfforddiant ac asesiadau Sgiliau Hanfodol Cymru
● Datblygu sgiliau iaith Gymraeg
● Datblygu Llythrennedd a Rhifedd
● Rhaid i bob dysgwr gwblhau Lleoliad Gwaith

Sylwch y gall eich amserlen gynnwys rhai sesiynau gyda'r nos. Dyddiadau yn cael ei ddarparu gan eich tiwtor ar y cyfnod Sefydlu.