Mynediad i Adeiladu

Mae Mynediad i Sgiliau Adeiladu yn cynnig rhaglen a gefnogir yn llawn i ddysgwyr ar gam cyntaf eu taith addysg bellach yn y Coleg.

Bydd y rhaglen yn rhoi’r cyfle i bobl ifanc chwalu unrhyw rwystrau a all fod ganddyn nhw at ddysgu, gan eu galluogi i ddatblygu’n bersonol, yn gymdeithasol ac yn academaidd er mwyn cyflawni eu llawn botensial yn llwyddiannus a symud ymlaen i’w lefel nesaf o ddysgu neu gyflogaeth yn y dyfodol.

Bydd y cwricwlwm craidd yn helpu dysgwyr i ddatblygu eu hyder, a sgiliau bywyd a chyflogadwyedd mewn amgylchedd cefnogol a chroesawgar. Byddan nhw’n profi gwahanol feysydd galwedigaethol ac yn cynnal gweithdai ymarferol wythnosol yn y maes Crefftau Adeiladu. Mae’r rhain yn cynnwys:

Gosod Brics
Gwaith Saer ac Asiedydd Carpentry and Joinery
Sgiliau Plymwaith

Bydd gweithgareddau cyfoethogi yn meithrin sgiliau cyfathrebu, gwaith tîm ac arwain, gan helpu i feithrin hyder a goresgyn unrhyw bryderon neu rwystrau cymdeithasol. Yn ystod y gweithgareddau hyn, bydd dysgwyr yn gweithio tuag at Dystysgrif Cyflawniad Ymddiriedolaeth y Tywysog a Gwobr Efydd Dug Caeredin.

Bydd datblygiad llythrennedd a rhifedd yn ffocws craidd i bob dysgwr ac unwaith y byddan nhw’n barod, bydd dysgwyr yn cael y cyfle i astudio cymwysterau Sgiliau Hanfodol Cymru mewn Cyfathrebu a Chymhwyso Rhif.
Mae’r cwrs yn cynnig llawer o dasgau ymarferol a fydd hefyd yn helpu i ddatblygu eich sgiliau Mathemateg, Saesneg a Llythrennedd Digidol.

Bydd Anogwr Cynnydd yn cael ei bennu i ddysgwyr a fydd yn eu cefnogi drwy gydol eu hamser ar y rhaglen. Bydd yn sicrhau bod unrhyw gymorth ADY yn cael ei roi ar waith cyn i ddysgwyr ddechrau a bod unrhyw anghenion cymorth newydd a all godi yn cael eu hymgorffori yn eu rhaglen i'w helpu i lwyddo. Cefnogir y cwrs yn llawn i ddiwallu anghenion unigol a gwahaniaethau dysgu.

Mae’r rhaglen yn cael ei chyflwyno dros dridiau’r wythnos a bydd yn gymysgedd o sesiynau yn yr ystafell ddosbarth, gweithdy ac oddi ar y safle.