Lefel 1 Gosod Trydan a Phlymwaith

Mae’r cwrs hwn ar gyfer myfyrwyr llawn amser sy’n dymuno dod yn drydanwyr neu’n blymwyr yn y diwydiant Gosod Trydan neu Blymwaith. Bydd y rhaglen yn cynnwys myfyrwyr yn mynychu sesiynau theori yn yr ystafell ddosbarth i ennill gwybodaeth greiddiol a sesiynau ymarferol yn ein gweithdai hefyd.

Bydd y cwricwlwm craidd yn helpu dysgwyr i ddatblygu eu hyder, eu gwybodaeth, eu profiad a'u sgiliau mewn Gwaith Trydan a Phlymwaith, a bydd yn cael ei gofrestru ar Ddiploma Lefel 1 City & Guilds mewn Astudiaethau Gwasanaethau Adeiladau (7201-01)

Mae unedau’n cynnwys -

- Strwythur y Diwydiant Adeiladu
- Arferion Gweithio Diogel Sylfaenol (Iechyd a Diogelwch)
- Paratoi Safleoedd
- Gosod Trydan a Gwifrau a Therfyniadau
- Draenio Tir
- Gwaith Pibellau Copr
- Gwaith Pibellau Plastig Pwysedd
- Gosod, Atgyweirio a Chynnal a Chadw Systemau Plymwaith

Bydd angen cwblhau ystod o asesiadau gan gynnwys -

- Asesiadau ymarferol yn y gweithdy
- Arholiadau ysgrifenedig
- Arholiadau amlddewis ar-lein
- Gwaith prosiect

Disgwylir I ddysgwyr hefyd gwblhau naill ai Sgiliau Hanfodol Cymru, TGAU Saesneg a Mathemateg a/neu Lythrennedd Digidol yn dibynnu ar eu graddau Mathemateg a Saesneg ar hyn o bryd.

Bydd dysgwyr hefyd yn cael Anogwr Cynnydd a fydd yn eu helpu trwy gydol eu hamser ar y rhaglen a chwblhau rhaglen tiwtor personol gyda nhw. Bydd yr anogwr yn sicrhau bod unrhyw gymorth Anghenion Dysgu Ychwanegol ar waith cyn I ddysgwyr ddechrau ar eu cwrs. Bydd hefyd yn sicrhau bod unrhyw anghenion newydd am gymorth a fyddai’n gallu ymddangos yn cael eu cynnwys yn eu rhaglen I helpu i’r dysgwyr lwyddo. Cefnogir y cwrs yn llawn I fodloni anghenion unigol a gwahaniaethau dysgu.

Bydd y rhaglen yn cael ei chyflwyno dros dri diwrnod a bydd yn gymysgedd o ddarpariaeth yn yr ystafell ddosbarth ac mewn gweithdy.