Lefel 1 Cyfryngau & Esports

Mae’r Diploma Lefel 1 yn cynnig cyflwyniad i dechnolegau digidol a chyfryngau creadigol gyda rhaglen astudio ymarferol, a fydd yn herio ac yn datblygu sgiliau’r dysgwyr.

Bydd dysgwyr yn dysgu'r cysyniad o ddatblygu drwy’r camau cynhyrchu gwahanol, gan ddefnyddio offer safon diwydiant yn ystod gweithgareddau cyfryngau creadigol.

Mae’r diwydiant E-Chwaraeon yn tyfu ac mae amrywiaeth anferth o fathau o waith ar gael i rywun mewn E-chwaraeon. Mae’r rhain yn amrywio o swyddi cynllunio digwyddiadau, marchnata a brandio i hyfforddi a strategaeth gemau i gynhyrchu fideo a llawer rhagor.

Mae’r cwrs hwn yn eich helpu i ddatblygu sgiliau a gwybodaeth y bydd eu hangen arnoch i weithio yn y sector hwn. Nid yw’r cyfan yn ymwneud â chwarae gemau, ac ychydig iawn o brofiad chwarae gemau y byddwch yn ei gael, ar gyfer asesiadau.

Mae’r cwrs hwn yn galluogi dysgwyr i ddatblygu eu gwybodaeth a'u sgiliau ymarferol trwy ystyried sut gaiff TG ei ddefnyddio mewn diwydiant a masnach, gan ddefnyddio ystod o gymwysiadau meddalwedd.

Mae’r cwrs hwn wedi’i seilio ar asesiadau, nid yw’n cynnwys arholiadau ffurfiol, bydd myfyrwyr yn astudio unedau amrywiol.

Byddwch yn canolbwyntio ar ddatblygu llythrennedd a rhifedd ar y rhaglen, a bydd cyfle i chi ymgymryd â chymwysterau Sgiliau Hanfodol Cymru mewn Cyfathrebu a Chymhwyso Rhif.

Byddwn yn penodi Anogwr Bugeiliol i bob dysgwr a fydd yn eu cefnogi trwy gydol eu hamser ar y rhaglen. Bydd yr anogwr yn sicrhau bod unrhyw gymorth Anghenion Dysgu Ychwanegol ar waith cyn i ddysgwyr ddechrau ar eu cwrs. Bydd hefyd yn sicrhau bod unrhyw anghenion newydd am gymorth a fyddai’n gallu ymddangos yn cael eu cynnwys yn eu rhaglen i helpu i’r dysgwyr ffynnu. Cefnogir y cwrs yn llawn i fodloni anghenion unigol a gwahaniaethau dysgu.