Lefel 1 mewn Chwaraeon a Gwasanaethau Cyhoeddus mewn Lifrai

Mae'r cwrs hwn wedi’i lunio fel cyflwyniad i'r sectorau Chwaraeon a Gwasanaethau Cyhoeddus. Bydd myfyrwyr yn datblygu sgiliau sylfaenol yn yr unedau gorfodol, a fydd yn eu helpu o ddydd i ddydd. Mewn unedau sy’n benodol i feysydd, bydd myfyrwyr yn cymryd rhan mewn chwaraeon egnïol, rolau hyfforddi a ffitrwydd ymarferol gan gynnwys gweithgareddau awyr agored.

Bydd arbenigwyr diwydiant yn rhannu eu gwybodaeth a'u profiad o weithio yn y gwasanaethau cyhoeddus.

Byddwch yn canolbwyntio ar ddatblygu llythrennedd a rhifedd ar y rhaglen, a bydd cyfle i chi ymgymryd â chymwysterau Sgiliau Hanfodol Cymru mewn Cyfathrebu a Chymhwyso Rhif neu ail-sefyll arholiadau TGAU mewn Mathemateg a Saesneg.

Bydd dysgwyr yn cael Anogwr Cynnydd a fydd yn eu helpu trwy gydol eu hamser ar y rhaglen. Bydd yr anogwr yn sicrhau bod unrhyw gymorth Anghenion Dysgu Ychwanegol ar waith cyn i ddysgwyr ddechrau ar eu cwrs. Bydd hefyd yn sicrhau bod unrhyw anghenion newydd am gymorth a fyddai’n gallu ymddangos yn cael eu cynnwys yn eu rhaglen i helpu i’r dysgwyr lwyddo. Cefnogir y cwrs yn llawn i fodloni anghenion unigol a gwahaniaethau dysgu.

Bydd y rhaglen yn cael ei chyflwyno dros dridiau a bydd yn gymysgedd o sesiynau yn yr ystafell ddosbarth a darpariaeth ymarferol tu mewn a thu allan.