Diploma UAL Lefel 3 yn y Cyfryngau

Mae ein Diploma Cyfryngau Creadigol yn cynnig rhaglen astudio amlddisgyblaethol sy'n seiliedig ar ymarfer, a fydd yn herio ac yn datblygu'r sgiliau sydd eu hangen i fynd ymlaen i hunangyflogaeth neu raglenni astudio uwch, megis graddau.

Byddwch yn datblygu sawl sgil ymarferol yn ystod y bŵt camp dechreuol ac yn gweithio trwy 7 uned graidd cyn arbenigo yn eich dewis faes fel gwneud ffilmiau, golygu fideos, ysgrifennu sgriptiau, creu cynnwys, animeiddio, ffotograffiaeth, dylunio gemau, lluniadu digidol, dylunio graffeg, cyfryngau print digidol neu gynhyrchu podlediadau.

Byddwch yn creu cyfryngau ystyrlon ar gyfer gwahanol gynulleidfaoedd ar draws llwyfannau niferus, gan ddefnyddio ein hystafell sgrin werdd, stiwdio ffilm, stiwdio ffotograffiaeth, ardal animeiddio ac ystafell radio.

Byddwch hefyd yn gweithio yn ein stiwdios Mac yn defnyddio meddalwedd safonol y diwydiant, fel Adobe Premiere Pro, Final Cut pro, Adobe Photoshop, Adobe Illustrator a Logic Pro.

Ar gyfer pwy mae'r cwrs hwn?
Byddai unrhyw un sy'n dymuno gweithio yn niwydiant y cyfryngau fel crëwr cynnwys llawrydd neu symud ymlaen i astudiaeth bellach yn y Cyfryngau ar lefel Gradd yn elwa o'r cwrs hwn.
Nid oes angen profiad blaenorol o'r cyfryngau arnoch ond mae diddordeb yn y cyfryngau yn hanfodol. Mae angen i chi hefyd fwynhau gweithio gydag eraill, gallu datblygu eich syniadau creadigol eich hun a bod yn ddysgwr annibynnol.

Bydd y cwrs yn eich galluogi i ddatblygu eich gwybodaeth a’ch dealltwriaeth o’r diwydiant cyfryngau ac i ganolbwyntio ar faes arbenigol ar ôl cyflwyniad dechreuol i ystod eang o ddisgyblaethau. Ar hyn o bryd, y pynciau astudio ydy gwneud ffilmiau, golygu fideos, ysgrifennu sgriptiau, creu cynnwys, animeiddio, ffotograffiaeth, dylunio gemau, lluniadu digidol, dylunio graffeg, cyfryngau print digidol a chynhyrchu podlediadau.

Bydd myfyrwyr sy'n cwblhau'r cwrs hwn yn llwyddiannus yn ennill y canlynol UAL Lefel 3 Diploma mewn Cynhyrchu a Thechnoleg yn y Cyfryngau Creadigo