Os byddech chi’n bachu’r cyfle i dorchi llewys a chreu rhywbeth ymarferol (sydd ei angen yn fyd-eang), yna byddwch chi wrth eich bodd gyda’n cwrs Gwaith Brics yma yng Ngholeg Cambria.

Bydd ein tiwtoriaid arbenigol yn addysgu popeth sydd angen i chi wybod, a chyn hir bydd gennych sgiliau adeiladu newydd o fri, sgiliau a fydd yn gam yn agosach at ddiwydiant diamser.

Os yw creu pethau o’r newydd yn eich cyffroi chi, yna gall y cwrs ymarferol hwn fod yn berffaith i chi. Bydd yn cynnwys ystod eang o sgiliau ymarferol yn ein gweithdai o’r radd flaenaf, wedi’u hategu gan wybodaeth dechnegol gref a dealltwriaeth o ofynion iechyd a diogelwch y diwydiant.

Meistrolwch eich crefft gyda ni, drwy astudio Gwaith Saer ac Asiedydd gyda’n tiwtoriaid profiadol yn y diwydiant.

Os hoffech chi fod y gorau un, yna astudio Paentio ac Addurno yng Ngholeg Cambria yw’r dewis cywir. Bydd ein tiwtoriaid profiadol yn y diwydiant yn datblygu eich hyder a’ch sgiliau yn ein cyfleusterau newydd sbon danlli.

Gallwch fynd ymlaen i ennill cyflog uchel yn y grefft amrywiol sydd â gofyn uchel unwaith i chi gyflawni cymhwyster cydnabyddedig.

Mae gyrfa mewn plymwaith yn waith amrywiol a diddorol, ac yn waith a fydd wastad ei angen, felly mae digon o waith ar gael. Un diwrnod gallech fod yn gwasanaethu systemau dŵr a gwresogi, a’r nesaf gallech fod yn dylunio systemau plymio cartref cyfan!

Efallai bod hynny’n frawychus, ond byddwn yn rhoi’r holl offer a’r awgrymiadau sydd eu hangen arnoch. Mae ein tiwtoriaid yn arbenigwyr yn y diwydiant a byddan nhw gyda chi bob cam o’r ffordd, gan eich addysgu chi mewn gweithdai sy’n adlewyrchu bywyd go iawn. Byddwch yn barod i fentro i’r diwydiant mewn dim.

Gallwch weithio tuag at yrfa ddisglair hyd oes mewn diwydiant byd eang, p’un a ydych chi eisiau gweithio mewn sector arbenigol neu eisiau rhedeg eich busnes eich hun un dydd. Mae cymhwyster gyda ni yn agor nifer o ddrysau a byddwn yn eich arwain chi tuag at yr un yr hoffech chi gamu drwyddo.

Mae ein cyfleusterau o’r radd flaenaf a’n tiwtoriaid profiadol yn y diwydiant yn golygu y byddwch yn cael yr addysg Adeiladu gorau posibl, gan ennill sgiliau y byddwch chi eu hangen i fod yn drydanwr gwych.

Sicrhewch daith lyfn tuag at eich gyrfa gyda’n cyrsiau plastro. Nid cymysgu a gosod plastr ar waliau a nenfydau yn unig y mae plastrwyr yn eu gwneud, gallant hefyd greu rhosod nenfwd manwl a chymhleth, cornisiau a cholofnau.

Bydd ein tiwtoriaid arbenigol yn eich addysgu chi am sut i fod yn naturiol yn y maes gwaith oesol hwn. Felly, am beth ydych chi’n aros? Ymunwch â ni yng Ngholeg Cambria i gael y cymwysterau sydd eu hangen arnoch i fentro i’r byd gwaith.