Saesneg a Mathemateg
Gwella eich Saesneg a Mathemateg
TGAU Saesneg a Mathemateg
Dewch i gael TGAU mewn Saesneg a/neu Fathemateg a dechrau eich dyfodol….
Mae TGAU mewn Saesneg a/neu Fathemateg yn agor drysau i gyfleoedd newydd ar gyfer eich dyfodol. P’un ai bod hynny’n waith hyrwyddo, gwella rhagolygon gyrfa, lle mewn prifysgol neu sicrhau prentisiaeth.
Yng Ngholeg Cambria mae gennym enw da profedig ar gyfer helpu myfyrwyr o bob oed i gyflawni graddau TGAU gwell a fydd yn eu galluogi i gymryd cam nesaf eu taith yn hyderus.
Rydym yn cynnig cyrsiau naill ai wyneb yn wyneb neu ar-lein. Mae’n hanfodol eich bod yn dod yn rheolaidd.
Os rydych yn ansicr o’ch lefel Mathemateg a Saesneg ar hyn o bryd peidiwch â phoeni! Yn ystod eich sesiwn gyntaf gyda ni, bydd ein tîm addysgu profiadol a chefnogol yn sicrhau eich bod chi ar y lefel astudio gywir.
Pam astudio gyda ni....
ENNILL CYMWYSTERAU CYDNABYDDEDIG
DATBLYGU SGILIAU SY'N EICH HELPU I SYMUD YMLAEN
ASTUDIO GYDAG ERAILL AR YR UN LEFEL
CYMRYD EICH CAMAU CYNTAF TUAG AT DDYCHWELYD I DDYSGU
MAGU HYDER A LLWYDDO
CAEL EICH CYNORTHWYO AR BOB CAM
Ein Cyrsiau
Pa Gyrsiau Sydd Ar Gael
Beth am glywed gan rai o'n cyn-fyfyrwyr
Hollie Haines
TGAU Mathemateg
“Cyn dechrau fy nghwrs TGAU Mathemateg roeddwn i wedi colli fy swydd oherwydd y cyfnod clo.
O ganlyniad i gael D mewn TGAU mathemateg o’r ysgol, swyddi a oedd yn talu’n isel, rhan amser yn unig roeddwn i’n gallu ymgeisio ar eu cyfer. Doedd y swyddi yma ddim yn addas gan fy mod i’n rhiant sengl i ddau o blant.
I fod yn hollol onest, roeddwn i’n nerfus am ddychwelyd yn ôl i addysg, ond roeddwn i’n gwybod bod angen i mi fod yn ddewr a chymryd y cam cyntaf.
Gwnes i gysylltu â Cambria ac esbonio, oherwydd anawsterau a’r ffaith fy mod i ddim yn hoffi’r ysgol yn gyffredinol, doeddwn i ddim yn meddwl y gallwn i wella ar fy ngradd D mewn TGAU Mathemateg.
Gwnes i esbonio hefyd mai fy nod oedd symud ymlaen i’r Brifysgol ac yn y pen draw dod yn Nyrs Iechyd Meddwl cwbl gymwys.
Roedd y staff yn y Coleg yn wych ac yn barod i helpu. Gwnaethant nhw egluro y byddai angen i mi gael gradd C mewn Mathemateg yn fwy na thebyg yn ogystal â bod wedi cwblhau cyrsiau Mynediad i Addysg uwch – Gofal Iechyd er mwyn llwyddo i gael lle ar fy nghwrs delfrydol yn y Brifysgol.
Doeddwn i ddim yn meddwl y buaswn i’n gallu llwyddo, ond gwnaeth y coleg fy helpu i gael ffydd ynof fi fy hun a fy annog i ymuno â’r cyrsiau.
Blwyddyn yn ddiweddarach, gwnes i lwyddo i gael gradd B mewn TGAU Mathemateg yn ogystal â chymhwyster Mynediad i Addysg Uwch – Gofal Iechyd! Doeddwn i methu coelio’r peth! Roeddwn i wrth fy modd a dwi’n diolch yn fawr iawn i’r tîm addysgu.
Doedd y profiad ddim yn hawdd ond gwnes i wneud fy ngorau a mynd i bob dosbarth – a gwnes i lwyddo!
Buaswn i ddim wedi gallu llwyddo heb gymorth y tiwtoriaid, roedden nhw mor amyneddgar gyda mi ac yn gwneud i mi deimlo y gallwn i bob amser ofyn cymaint o gwestiynau ag oedd angen i mi nes i mi ddeall.
Heddiw, dwi’n astudoo ar gyfer gradd mewn Nyrsio Iechyd Meddwl ym Mhrifysgol Caer.
Mae cymryd y cam cyntaf gyda Choleg Cambria wedi newid fy mywyd a buaswn i’n argymell i unrhyw un sy’n poeni am ddod yn ôl i addysg i gymryd anadl ddofn, bod yn ddewr a mynd amdani…beth sydd gennych chi i golli!”
Christopher Horrocks
Prentis Trydanol Lefel 3
“Cyn i mi ddychwelyd i addysg doeddwn i ddim yn hapus gyda’r yrfa roeddwn i wedi’i dewis ond rŵan fy mod i bron yn Drydanwr cymwys, rydw i mor falch fy mod wedi penderfynu mynd yn ôl i’r coleg!
Fel unrhyw oedolyn sy’n dychwelyd i fyd addysg roeddwn i’n nerfus. Rydw i’n 38 ac yn dad sengl felly roedd yn benderfyniad mawr i’w wneud. Mae’r cymorth a’r gefnogaeth sydd ar gael gan Goleg Cambria wedi bod yn anhygoel a bydd y tîm wrth law yn eich arwain chi drwy’r cymhwyster.
Wrth astudio ar gyfer fy nghymhwyster Trydanol fe wnaeth Coleg Cambria fy helpu i ailsefyll fy arholiadau TGAU ac mae fy nghanlyniadau wedi rhoi mwy o hyder i mi gymryd camau yn fy ngyrfa ddewisedig. Nid dim ond i bobl ifanc mae coleg!
Mae fy mhrofiad dros y blynyddoedd diwetha’ wedi bod yn daith gofiadwy a diolch i’r coleg rydw i wedi llwyddo i gael gwaith cyflogedig.
I unrhyw oedolion sy’n ystyried cymryd y camau cyntaf hynny ar gyfer dyfodol mwy disglair, fy nghyngor i yw hyn – ewch ati ar unwaith, cofrestrwch gyda Choleg Cambria a chael y swydd ddelfrydol honno sydd wastad wedi mynd â’ch bryd!
Hoffwn ddiolch yn fawr hefyd i’r holl dimau am eu cefnogaeth a’u hymroddiad wnaeth fy helpu i gyflawni fy nodau.”
