Mae’r cyrsiau hyn yn addas i chi os oes gennych chi anawsterau dysgu a/neu anableddau, a hoffech chi archwilio a datblygu sgiliau ar gyfer bywyd a gwaith. Mae gennym ystod eang o lwybrau Sgiliau Bywyd a byddwn yn rhoi cymorth i chi wrth i chi ddatblygu eich sgiliau personol, cymdeithasol ac annibynnol. Byddwn hefyd yn gwella’r cyfleoedd i chi symud ymlaen at gyflogaeth neu astudiaeth bellach.

Fel unigolyn unigryw, rydym yn gwybod y bydd gennych chi anghenion unigol, a byddwn yn gweithio’n agos gyda chi i ganfod eich cyrchfannau hirdymor a gosod targedau cyraeddadwy gyda chi. Byddwch hefyd yn manteisio ar gwricwlwm unigol gyda’r cymorth yr ydych chi ei angen.