Wedi Astudio – Lefel 1, 2 & 3 mewn Gwneuthuro a weldio

Ar Hyn o Bryd – Rheolwr Gwelliant a Chynnal a Chadw Parhaus ar Steel4Structures

“Fe wnes i astudio Gwneuthuro a Weldio yng Ngholeg Cambria a chwblhau fy lefel 1 yn llawn amser cyn mynd ymlaen i wneud lefel 2 a 3 fel Prentis gyda Steel4Structures.

“Dechreuais fy mhrentisiaeth fel weldiwr/gwneuthurwr a gweithiais fy ffordd i fyny i fod yn Oruchwyliwr Cynhyrchu. Ym mis Medi cefais fy nyrchafu i fod yn Rheolwr Cynnal a Chadw a Gwelliant Parhaus lle rwy’n trwsio offer ac yn gwella’r gweithdy o ran effeithlonrwydd a chysur a mwynhad gweithwyr. Erbyn hyn rwy’n astudio HNC mewn Peirianneg Fecanyddol yng Nghanolfan Brifysgol Cambria.

“Mi wnes i wir fwynhau astudio yng Ngholeg Cambria a dyna pam wnes i benderfynu astudio fy HNC yno. Mae’r gweithdai weldio yn wych ac wedi’u trefnu’n dda gydag offer da ac roedd hynny’n bendant yn help i wella fy sgiliau yn gyflym. Mae’r darlithwyr a’r ymarferwyr yn y gwaith yn wych, yn wybodus iawn ac roedd dosbarthiadau llai o ran maint yn golygu ein bod ni’n gallu gwneud y gorau o’r sesiynau.

“Cefais gyfle hefyd i gymryd rhan yng nghystadlaethau Sgiliau Cymru ac enillais y wobr aur yn 2020 a 2021 am waith metel adeiladu.

“Fel myfyriwr hŷn oedd yn newydd i’r diwydiant, rhoddodd y cyrsiau sylfaen a gwybodaeth waith gwych i mi, fe wnaeth fy helpu i gael prentisiaeth gyda Steel4Structures ac mae wedi agor drysau newydd i mi o fewn y cwmni.”