Sut Mae Prentisiaethau'n Gweithio?
Sut Mae Prentisiaethau'n Gweithio?
Yng Nghymru, mae angen i Brentisiaid fod yn 16+ oed a gweithio isafswm o 16 awr yr wythnos er mwyn cwblhau Prentisiaeth. Mae’n rhaid i’r cyflogwr fod yn barod i’ch cefnogi chi gyda’r Brentisiaeth oherwydd byddwch chi’n cael eich asesu yn y gweithle ac efallai bydd angen i chi ddod i’r coleg (mae hyn yn dibynnu ar y cymhwyster) i ddysgu sgiliau newydd a chwblhau unrhyw arholiadau.
Bydd ymarferydd profiadol yn y diwydiant yn cael eu pennu i chi a fydd yn dod i’ch gweithle ac yn gosod tasgau i chi er mwyn i chi gasglu tystiolaeth sy’n mynd tuag at eich cymhwyster. Byddan nhw hefyd yn gwirio eich llesiant ac yn sicrhau nad oes unrhyw broblemau neu’n eich cyfeirio chi at gymorth ychwanegol yn Cambria os oes angen.
Gall Prentisiaethau Gael Eu Cyflwyno ar Lefel 2 – Lefel 6
Dyma’r man dechrau ar gyfer prentisiaethau, mae’n rhoi’r sylfeini a’r ddealltwriaeth o’r swydd i chi.
Mae Lefel 3 yn ddilyniant o Lefel 2 ac yn rhoi gwybodaeth ddyfnach i chi o’r pwnc ac mae’n gyfwerth â 2 gradd llwyddo Safon Uwch. Efallai bydd angen i chi fod mewn swydd benodol i fod yn gymwys.
Mae cymwysterau HNC neu NVQ Lefel 4/5 fel arfer yn gyfwerth â blwyddyn gyntaf yn y brifysgol. Mae angen lefel uchel o wybodaeth a dealltwriaeth i astudio ar y lefel hon.
Mae’r cymwysterau Lefel 6 yn raddau sy’n cael eu darparu mewn partneriaeth â’n partneriaid prifysgol.
Gwybodaeth Ddefnyddiol
Mae’n dechrau ar gyflog isafswm prentis ond mae llawer o gyflogwyr yn talu mwy.
Dim problem! Mae llawer o gwmnïau’n defnyddio prentisiaethau i ail-hyfforddi staff, neu fel cyfle i ddysgu a datblygu.
Mae llawer o ddewisiadau gwahanol ar gael i chi gan gynnwys Twf Swyddi Cymru+. Beth am astudio cwrs llawn amser wrth chwilio am brofiad gwaith i feithrin eich sgiliau ac ategu unrhyw geisiadau am brentisiaethau y byddwch chi’n eu cyflwyno?
Byddwch yn ennill cymwysterau a gymeradwywyd gan y diwydiant a phrofiad gwaith helaeth yn ystod prentisiaeth. Mae prentisiaethau uwch yn cynnwys cyrsiau gradd sylfaen, tystysgrifau cenedlaethol uwch neu gyrsiau gradd. Mae hyn yn eich gwneud chi’n fwy cyflogadwy na graddedigion – roedd Syr Alex Ferguson, Rebecca Adlington OBE a John Frieda i gyd yn brentisiaid.
Mae hyd prentisiaeth yn dibynnu ar y math o gymhwyster a’r lefel. Mae prentisiaeth yn gallu cymryd rhwng 1 a 4 blynedd i’w chwblhau.
Llywodraeth Cymru sy’n ariannu rhaglenni prentisiaethau.
Mae’n rhaid i chi fod yn 16 oed neu’n hŷn. Yn gweithio o leiaf 16 awr. Yn gweithio 51% o’r amser yng Nghymru ar gyfer hyd y brentisiaeth. Ddim mewn addysg lawn amser.
