CYRSIAU DIGIDOL A TG I OEDOLION
PLA
Dewch i ddatblygu eich sgiliau technegol! Bydd ein cyrsiau digidol, cyfrifiadura a TG yn eich arfogi chi gyda’r wybodaeth a’r arbenigedd sydd eu hangen arnoch chi i ffynnu mewn gweithle modern.
Yn ein byd digidol sy’n symud yn gyflym, mae cadw ar y blaen yn golygu datblygu eich sgiliau yn gyson. P’un ai eich bod chi eisiau dechrau gyrfa newydd, datblygu yn eich swydd bresennol, uwchsgilio, neu ddychwelyd i waith, mae ein hystod o gyrsiau digidol yng Ngholeg Cambria wedi’u dylunio’n arbennig ar eich cyfer chi.
Mae ein cyrsiau, wedi’u teilwra ar gyfer dysgwyr sy’n oedolion, yn amrywio o lythrennedd digidol sylfaenol i gyfrifiadura uwch, gan sicrhau bod rhywbeth at ddant pawb. Gallwch chi ddysgu codio, seiberddiogelwch, rhaglenni meddalwedd, a rhagor gyda hyfforddwyr profiadol.
Cofrestrwch rŵan a buddsoddwch yn eich dyfodol – mae’r dechnoleg yn aros amdanoch chi!
I gael rhagor o wybodaeth am PLA a sut i wneud cais, gweler y dudalen PLA.
Tystysgrif Ryngwladol Llythrennedd Digidol (ICDL)
Mae’r cymhwyster ICDL (ECDL gynt), yn hyfforddiant parod sy’n darparu cymwysterau achrededig. Mae tair lefel ICDL.
Cyrsiau ICDL
Pa Gyrsiau Sydd Ar Gael
Caiff y cymhwyster ei gyflwyno mewn modd hyblyg ar ffurf gweithdy, sy’n canolbwyntio ar y dysgwr. Bydd dysgwyr yn dysgu ar eu cyflymder a’u lefel gallu eu hunain, trwy ddeunyddiau electronig a/neu brint. Mae tiwtor wrth law bob amser yn ystod y sesiynau i roi arweiniad a chymorth. Gall dysgwyr ymuno â’r cwrs a’i adael unrhyw bryd yn ôl y galw ac yn ôl eu gwybodaeth a’u lefelau gallu.
