Safleoedd y Coleg

Mae Blodau Iâl yn rhan o ddatblygiad cyffrous newydd yng nghalon Wrecsam. Mae’r tîm yn angerddol am bopeth sy’n ymwneud â blodau, maent yn cyfuno profiad a’u gwaith dylunio medrus gyda thechnegau sy’n ecogyfeillgar i greu trefniadau artistig gwych, perffaith ar gyfer pob achlysur a chyllideb.

Rydym wrth ein bodd gyda blodau; rydym wedi’n syfrdanu gan eu diffiniadau ac wrth weithio yn ôl y tymhorau. Rydym yn cael ein hysbrydoli gan natur ac yn cyfuno harddwch tymhorol yn ein dyluniadau. P’un ai ei fod yn dusw dathlu, priodas, angladd, digwyddiad neu ddigwyddiad penodol, gallwch chi ddewis o’n casgliad ar-lein neu gysylltu â’n tîm a fydd yn gweithio gyda chi i’ch helpu chi i greu arddangosiad blodau perffaith. Hefyd, rydym wedi cyflwyno ein cyfres newydd sbon o anrhegion, mae gennym ni gasgliad hyfryd o anrhegion, sy’n berffaith ar gyfer pob achlysur.

Rydym yn angerddol am addysg fel rydym yn angerddol am duswau hardd. Fel rhan o Goleg Cambria, mae ein siop yn hwb bywiog sy’n cael ei ddefnyddio i hyfforddi myfyrwyr blodeuwriaeth lleol. Mae myfyrwyr yn cael eu harwain gan weithwyr proffesiynol profiadol, ac maent yn cael budd o ddysgu gan bobl sy’n rhagorol yn eu maes. Byddwn yn eu helpu i fagu eu creadigrwydd, datblygu eu sgiliau a’u gwybodaeth o’r diwydiant.

O’r eiliad y byddwch yn cerdded i mewn i’r salon, rydym am i chi fwynhau profiad salon heb ei ail sy’n gwneud i chi edrych a theimlo’n wych y tu mewn a’r tu allan. Gan gynnig detholiad ardderchog o driniaethau gwallt a harddwch sy’n cynnwys torri a lliw newydd sbon, siapio eiliau a thylino meinwe dwfn, rydym am i chi adael yn teimlo’n wych o’ch corun i’ch sawdl.

Nid dyna ben draw ein brwdfrydedd. Rydym yn falch iawn o chwarae rhan yn y broses o greu therapyddion a steilyddion y dyfodol. Ar y cyd â Choleg Cambria Iâl, mae ein salon yn cael ei gydnabod fel Canolfan Ragoriaeth, sy’n cynnig amgylchedd hyfforddi unigryw i fyfyrwyr sy’n awyddus i ddilyn gyrfa yn y diwydiant gwallt a harddwch, lle mae creadigrwydd yn cael ei annog, technegau’n cael eu mireinio a sgiliau’n cael eu datblygu a’u perffeithio, i gyd o dan arweiniad arbenigol tîm o weithwyr proffesiynol y diwydiant.

Er mwyn gweld popeth sydd angen i chi ei wybod am y triniaethau rydym yn eu cynnig, oriau agor a rhestrau prisiau, ewch i

https://www.ialsalon.co.uk/?lang=cy

P’un a ydych chi eisiau cinio hamddenol, bachu brechdan wedi’i thostio yn sydyn neu angen rhywbeth melys, does dim dwywaith y bydd rhywbeth at eich dant chi yn Siop Goffi Iâl! Yn syml, rydyn ni’n angerddol am weini’r cynnyrch gorau; o fara wedi’i bobi’n ffres, paninis a baguettes yn llawn cynhwysion sawrus lleol, i gacennau a theisennau crwst cartref.

Does dim angen i chi gadw eich lle, dewch draw i ymweld â ni o ddydd Llun i ddydd Gwener rhwng 8am a 3pm. I gael rhagor o wybodaeth ewch i’r wefan.

Ym Meithrinfa Toybox rydym yn cynnig gofal plant o ansawdd, gan sicrhau bod y rhieni a’r plant yn dod i amgylchedd sy’n gynnes a chyfeillgar, gyda gofal ac addysg o’r safon uchaf.

Gyda lleoliad sy’n darparu gofal ac addysg i blant rhwng 3 mis a phump oed, mae’n bwysig deall ein bod yn gweld pob grŵp oedran fel cam ymlaen tuag at eu paratoi ar gyfer eu dyfodol.