Mae dysgwr Coleg Cambria – Myfyriwr y Flwyddyn, Chweched Iâl – yn bwriadu bod yn Nyrs Plant yn y dyfodol.
Ar ôl astudio Seicoleg, Saesneg a Bagloriaeth Cymru, bydd yn symud ymlaen i astudio gradd Nyrsio Plant ym Mhrifysgol Efrog.
Adfyfyriodd Zoe, 19, o Wrecsam, ar yr “heriau’ o ddysgu ar ôl y pandemig gan ddiolch i staff Cambria am eu cefnogaeth, yn enwedig ei hanogwr cynnydd, Natalie Kaye.
“Mae fy amser yn y coleg wedi bod yn llawn troeon, am y gorau a’r gwaethaf. Ond rydw i’n ddiolchgar o fod wedi cael pobl i fy helpu yn ystod y cyfnod heriol roeddwn i wedi ei wynebu i dyfu i fod yn berson ydw i erbyn hyn,” meddai’r cyn-ddisgybl o Ysgol Bryn Alyn.
“Fe wnaeth y tîm llesiant gefnogi fy siwrnai, ochr yn ochr â fy athrawon Saesneg anhygoel Liz a Helen a fy anogwr cynnydd Natalie. Mae hi wedi bod yn fy helpu drwy bethau yn y coleg doeddwn i fyth yn meddwl y byddwn i’n eu goresgyn – rydw i’n ddiolchgar iawn o fod wedi ei chael hi wrth fy ochr i.”
Ychwanegodd: “Fe wnes i sylweddoli ar fy nhaith yn y coleg nad oedd cyrsiau cwblhau Safon Uwch yn hawdd, a’i fod yn heriol.
“Ond fe es i o gredu na allwn ei wneud trwy’r amser hwn o fy mywyd i ddod yn ôl, ceisio eto a chael cynigion gan brifysgolion.”
Arweiniodd ymroddiad a phenderfyniad Zoe hefyd at ennill gwobr Myfyriwr y Flwyddyn, a oedd yn syndod iddi, ond a oedd yn gwbl haeddiannol ar ôl ei holl waith caled.
“Rydw i’n falch iawn ohonof i fy hun i gael fy enwi’n Fyfyriwr y Flwyddyn. Doeddwn i erioed wedi meddwl y byddai hynny’n digwydd!” meddai.
“Rydw i’n ddiolchgar iawn i bawb sydd wedi fy nghefnogi yn y coleg a thu allan i’r coleg yn ystod y blynyddoedd diwethaf ac rydw i’n edrych ymlaen at bennod nesaf fy mywyd.”
