Mae’r coleg wedi nodi diwrnod ymwybyddiaeth genedlaethol – gyda chefnogaeth Enginuity – ar ddydd Iau (Awst 6) trwy dynnu sylw at flwyddyn eithriadol arall i’w fyfyrwyr, prentisiaethau, staff a phartneriaid sy’n gyflogwyr.
Wedi’i lansio i herio hen ganfyddiadau o addysg dechnegol, mae ymgyrch dros y DU yn dathlu dysgwyr sy’n dilyn llwybrau galwedigaethol ac yn tynnu sylw at gyfraniad prentisiaethau, cymwysterau arbenigol a hyfforddiant wedi’i arwain gan gyflogwyr i gymunedau, busnesau a’r economi ehangach.
Fe ddaw yn sgil blwyddyn arall arwyddocaol i Goleg Cambria. Mae dysgwyr wedi ennill 68 o fedalau – cyfanswm sydd wedi torri sawl record yng Nghystadleuaeth Sgiliau Cymru gyda Tomas Ankers ymysg y rheiny sy’n paratoi i gynrychioli’r coleg yn rowndiau terfynol WorldSkills yn yr hydref ar ôl llwyddo mewn Melino CNC.
Mae Cambria ar gyfer Busnes hefyd wedi derbyn cydnabyddiaeth yn genedlaethol trwy Wobrau Sefydliad Proffesiynol fel IET (Sefydliad Technoleg Drydanol) a’r Gwobrau Dysgwr y Flwyddyn IMEch E (Sefydliad Peirianneg Fecanyddol) gyda Lauren Travis sy’n beiriannydd Village Bakery ymysg y rheiny sy’n cael eu dathlu.
Meddai Nick Tyson, Is-bennaeth a Chyfarwyddwr Busnes a Phartneriaethau yng Ngholeg Cambria: “Mae Diwrnod Dathlu Galwedigaethol yn cydnabod rhywbeth a welwn bob dydd yn y coleg – fod addysg dechnegol yn cynnig cyfleoedd, trawsnewid bywydau, cryfhau busnesau ac yn helpu’r economi.
“Mae’n gyfle i ddathlu nid yn unig cyraeddiadau ein dysgwyr a’n prentisiaid ond hefyd y cyflogwyr sy’n buddsoddi mewn datblygu talent y dyfodol gyda ni.
“Mae ein partneriaethau gyda chwmnïau arweiniol ledled gweithgynhyrchu uwch, peirianneg, adeiladu, gofal iechyd, arwain a rheoli a llawer o sectorau eraill gan wneud yn siŵr bod ein dysgwyr yn datblygu’r sgiliau ymarferol, yr hyder a’r ymddygiad proffesiynol y mae cyflogwyr yn dymuno i’w gweithwyr feddu arnynt.
“Mae’r llwyddiant rydyn ni wedi’i weld eleni – o enillwyr gwobrau cenedlaethol MAKE UK i’n perfformiad yn torri sawl record yng Nghystadleuaeth Sgiliau Cymru i ddysgwyr yn paratoi ar gyfer Rowndiau Terfynol Cenedlaethol WorldSkills UK – yn dangos y dalent eithriadol sydd gennym ar draws Gogledd Cymru. Rydyn ni’n gobeithio bod y dathliad cenedlaethol newydd hwn yn ysbrydoli hyd yn oed rhagor o bobl i weld addysg alwedigaethol fel eu llwybr gyrfa gyntaf i yrfaoedd cyffrous a gwerthfawr.”
Ar draws ei safleoedd yng Nglannau Dyfrdwy, Iâl, Ffordd y Bers, Llaneurgain a Llysfasi, mae’r coleg yn gweithio gyda channoedd o gyflogwyr mawr a bach i ddarparu addysg sy’n canolbwyntio ar y diwydiant, prentisiaethau a hyfforddiant proffesiynol.
Mae partneriaethau hirdymor gyda sefydliadau yn cynnwys Airbus, TATA Steel, Kronospan, Kingspan, Village Bakery, Kellanova, Shotton Mill, Toyota, JCB, Convatec, Atlas Copco, Boccard, S4S a Platts Agricultural i enwi dim ond rhai ac yn mynd o nerth i nerth gyda rhaglen arwain a rheoli newydd gyda Siemens Healthineers Llanberis yn adlewyrchiad o ymrwymiad parhaus y coleg i helpu cyflogwyr i ddatblygu’r gweithlu medrus sydd ei angen gan yr economi ranbarthol.
Mae dysgwyr Cyflogwyr sy’n mwynhau hyfforddiant dros yr haf yn cynnwys rhaglen Prentisiaeth Peirianneg Uwch sy’n feincnod lle mae prentisiaid yn dysgu sgiliau gyrfa gyda chefnogaeth Medr a gyda sefydliadau fel Tata Steel.
Roedd y dathliadau hefyd yn tynnu sylw at safle Ffordd y Bers yn Wrecsam sy’n gartref i lawer o raglenni technegol a galwedigaethol y coleg, gyda chyrsiau arloesol a Phrentisiaethau Gradd Adeiladu cyntaf Cymru sydd wedi’u hariannu’n llawn.
Wedi’u cyflwyno mewn partneriaeth â Phrifysgol Wrecsam, mae’r rhaglenni arloesol yn galluogi dysgwyr i ennill wrth ddysgu wrth symud ymlaen i yrfaoedd mewn Peirianneg Sifil, Rheoli Adeiladu, Arolygu Adeiladau a Mesur Meintiau.
Dywedodd Karl Jackson, Pennaeth Cynorthwyol Sefydliad Technoleg ac Arweinydd Safle yn Ffordd y Bers: “Bob dydd rydyn ni’n gweld dysgwyr yn datblygu’r hyder, yr arbenigedd technegol a’r proffesiynoldeb y mae cyflogwyr yn chwilio amdanynt, felly mae’n wych cael dathliad cenedlaethol yn cydnabod y cyflawniadau hynny.
“Mae addysg alwedigaethol yn ymwneud â llawer mwy na dim ond ennill cymhwyster. Mae’n ymwneud â datblygu sgiliau ar gyfer y byd go iawn, datrys heriau ymarferol a pharatoi ar gyfer gyrfaoedd gwerthfawr mewn diwydiannau sy’n hanfodol i’n heconomi.”
Drwy gydweithio’n agos â chyflogwyr a phartneriaid yn y diwydiant, mae’r coleg yn parhau i lunio rhaglenni sy’n ymateb i flaenoriaethau sgiliau rhanbarthol a chenedlaethol, gan sicrhau bod dysgwyr yn graddio’n barod i wneud argraff ar unwaith yn y gweithle.
Am ragor o wybodaeth ewch i Diwrnod Dathlu Galwedigaeth | Enginuity ac EAL.
