Home > Prentisiaethau > Popeth sydd angen i chi ei wybod
Prentisiaethau: Popeth sydd angen i chi ei wybod
Pam dewis prentisiaeth?
Cwestiynau cyffredin
Sut i wneud cais
Pam Dewis Prentisiaeth?
Dechreuwch eich gyrfa gyda phrentisiaeth i ennill cyflog wrth ddysgu.
Mae cwmnïau ledled Gogledd Cymru a thu hwnt yn recriwtio pobl ar gyfer prentisiaethau a hyfforddiant yn y sgiliau sydd eu hangen arnynt i lwyddo yn eu gyrfa.
Fel prentis byddwch chi’n ennill cyflog wrth ddysgu, ennill sgiliau, gwybodaeth, profiad a chymwysterau cydnabyddedig ar hyd y ffordd. P’un ai rydych chi rhwng 16 ac 19 oed neu’n 20 oed neu’n hŷn, gallai ystod o opsiynau prentisiaeth fod ar gael i chi.
Mae dysgu wedi’i gyfuno rhwng y gweithle o dan oruchwyliaeth hyfforddwyr cymwys gyda hyfforddiant yng Ngholeg Cambria i gefnogi hynny.
Mae prentisiaethau yn ffordd wych o ddechrau eich gyrfa ac agor y drws i ragolygon cyflogaeth cyffrous yn y dyfodol!
Prif Fanteision
Ennill cyflog
Cael hyfforddiant
Ennill cymhwyster cydnabyddedig
Datblygu sgiliau wrth weithio
Gwyliau â thâl
*Mae prentisiaethau Lefel 2 a 3 wedi'u hariannu i bob oedran
Mae modd ariannu prentisiaethau uwch ar gyfer pob oedran (yn amodol ar feini prawf cymhwysedd).
Mae prentisiaid yn cael eu hyfforddi yn y gwaith ac yn y coleg. Bydd faint o amser rydych yn ei dreulio yn y coleg yn dibynnu ar ba brentisiaeth rydych yn ei dilyn.
* Gall meini prawf cymhwysedd eraill fod yn berthnasol (fel amser yn y swydd).
Gweld Pob Maes Pwnc
Sgiliau Hanfodol
Mae sgiliau hanfodol yn rhan bwysig o’ch prentisiaeth. Eu nod yw gwella eich llythrennedd, rhifedd a’ch llythrennedd digidol. Maent yn eich helpu chi i gyflawni eich prentisiaeth ac maen nhw ar gael hyd at Lefel 3, yn dibynnu ar y cymwysterau sydd gennych chi yn barod (a’r brentisiaeth rydych chi’n ei dilyn).
Mae pob prentis yn cael asesydd sy’n cefnogi eich dysgu.
![An apprentice standing in a construction workspace looking towards the camera with his arms folded](https://www.cambria.ac.uk/wp-content/uploads/2022/01/FAQ.jpg)
Pa gymwysterau sydd eu hangen arnaf fi?
Mae prentisiaethau ar gael ar wahanol lefelau. Mae’r cymwysterau sydd gennych chi yn pennu ar ba lefel fyddwch chi’n dechrau arni; bydd angen i chi fod yn gweithio mewn swydd addas hefyd.
Mae’r holl brentisiaethau’n cynnwys asesiad llythrennedd, rhifedd a llythrennedd digidol cychwynnol.
Beth yw'r lefelau gwahanol?
Prentisiaethau sylfaen lefel 2
Mae gan bob rhaglen ofynion mynediad gwahanol, o ddim cymwysterau ffurfiol i lefelau penodol o Saesneg a Mathemateg.
Prentisiaethau lefel 3
Fel arfer byddai angen pump TGAU gradd A* i C arnoch chi (gan gynnwys Saesneg a Mathemateg), neu mae angen i chi fod wedi cwblhau prentisiaeth lefel 2.
Prentisiaethau uwch lefel 4
Fel arfer mae angen i chi fod wedi cwblhau prentisiaeth lefel 3 neu fod â chymwysterau, sgiliau neu brofiad cyfwerth.
Gwybodaeth Ddefnyddiol
Mae’n dechrau ar isafswm cyflog prentis ond mae llawer o gyflogwyr yn talu rhagor.
Dim problem! Mae llawer o gwmnïau yn defnyddio prentisiaethau i ail hyfforddi staff, neu fel cyfle i ddysgu a datblygu.
Mae llawer o opsiynau gwahanol ar gael i chi gan gynnwys Hyfforddeiaeth. Byddwch chi’n cael lwfans hyfforddi tra rydych chi’n ymgymryd â’r rhaglen ac mae’n gallu eich rhoi chi mewn lle gwell i gael prentisiaeth.
Byddwch chi’n ennill cymwysterau sy’n cael eu cymeradwyo gan y diwydiant a phrofiad gwaith helaeth yn ystod prentisiaeth. Mae rhai prentisiaethau uwch yn cynnwys Graddau Sylfaen, HNC neu Raddau. Gall hyn eich gwneud chi’n fwy cyflogadwy na rhywun graddedig – roedd Syr Alex Ferguson, Rebecca Adlington OBE a John Frieda i gyd yn brentisiaid.
Mae hyd prentisiaeth yn dibynnu ar y math o gymhwyster a lefel y cymhwyster. Gall prentisiaeth gymryd rhwng 1 a 4 blynedd i’w chwblhau.
Ariennir y Rhaglen Brentisiaeth gan Lywodraeth Cymru.
Rhaid i chi fod: Yn 16 oed neu’n hŷn. Wedi gweithio o leiaf 16 awr Gwaith 51% o’r amser yng Nghymru am gyfnod eich prentisiaeth. Ddim mewn addysg amser llawn.
![a mac](https://www.cambria.ac.uk/wp-content/uploads/2022/01/How-to-Apply-1.jpg)
Gwneud Cais am Brentisiaeth
Os ydych chi wedi penderfynu yr hoffech roi hwb i’ch gyrfa gyda phrentisiaeth, y cam nesaf yw gwneud cais am un sy’n iawn i chi. Rydym wedi manylu ar yr opsiynau isod, ond os oes gennych chi unrhyw gwestiynau anfonwch e-bost at Cambria ar gyfer Busnes neu ffoniwch 0300 30 30 006!
Rydym Wedi Amlinellu’r Broses Isod mewn Tri Cham Rhwydd
Darganfod Prentisiaethau
I ddod o hyd i brentisiaethau, mae nifer o adnoddau ar-lein i edrych arnynt. Mae Siop Swyddi Cambria yn lle gwych i ddechrau, ond mae Gyrfa Cymru a gwefannau swyddi hefyd a fydd yn rhestru cyfleoedd wrth iddynt godi. Efallai y bydd gennych chi gysylltiadau personol trwy ffrindiau neu deulu sy'n gwybod am swyddi gwag.
Paratowch
Unwaith y byddwch yn gweld swydd wag rydych am wneud cais amdani, paratowch i gyflwyno cais o ansawdd uchel a byddwch yn barod ar gyfer proses gyfweld bosibl, yn debyg i gyfweliad swydd. Cymerwch eich amser, crëwch gais rydych chi'n falch ohono a gofynnwch i rywun ei adolygu cyn i chi ei gyflwyno.
Siaradwch â'ch cyflogwr
Unwaith y byddwch chi mewn cyflogaeth, gallwch siarad â'ch cyflogwr am ddod yn brentis. Os ydynt yn cytuno, cysylltwch â Thîm Ymgysylltu â Chyflogwyr Cambria ar gyfer Busnes ar 0300 30 30 006 neu dros e-bost i drafod y camau nesaf.
Gofynion Mynediad Cyffredinol
Mae’r gofynion mynediad cyffredinol i ddod yn brentis yng Nghymru fel a ganlyn:
- Rhaid i chi fod yn 16 oed neu’n hŷn
- Cael eich cyflogi am o leiaf 16 awr yr wythnos
- Gweithio 51% yng Nghymru trwy gydol eich prentisiaeth
- Peidio â bod mewn addysg amser llawn.
Angen Cyngor?
![Joshua Barnett](https://www.cambria.ac.uk/wp-content/uploads/2022/01/joshua-barnett-headshot.jpg)