Wedi Astudio – BSc mewn Peirianneg Meddalwedd Gymhwysol 

Eryn Hyn – Prentisiaeth Gradd Ddigidol

“Helo, Peter Griffiths ydw i. Dwi’n gweithio yn Ysgol Maelor ac yn astudio cwrs Peirianneg Meddalwedd.

Mae’r cwrs yn ymwneud ag agweddau amrywiol ym maes peirianneg meddalwedd gan gynnwys rhaglennu, dylunio gwefannau, rheoli cronfeydd data, systemau cyfrifiadurol a modelu data. Dwi wir wedi mwynhau’r cwrs hyd yn hyn. Mae wedi rhoi cyfle i mi lenwi bylchau yn y wybodaeth oedd gen i’n flaenorol yn ogystal â mynd a fi ar drywydd posibiliadau newydd ar gyfer prosiectau a chyflogaeth yn y dyfodol.

Dwi’n gweithio fel Rheolwr TG mewn ysgol uwchradd ar hyn o bryd. Yn wreiddiol roeddwn i wedi dechrau’r cwrs fel ffordd o newid gyrfa o weinyddu systemau i swydd lle’r oeddwn i’n codio’n unig. Roeddwn i wedi mwynhau’r modiwlau rhaglennu y gwnes i ar gwrs HND rai blynyddoedd yn ôl ac roeddwn i eisiau gwneud rhagor o hynny. Ers dechrau’r cwrs rydw i wedi dod ar draws nifer o ffyrdd y gall fod o gymorth i mi yn fy swydd bresennol ac mae’n gwneud i mi ystyried aros ym maes gweinyddu systemau. Rydw i wedi sylweddoli bod y gallu i godio rhaglenni sydd wedi’u hawtomeiddio yn cynyddu effeithiolrwydd a symleiddio’r hyn rydw i’n ei wneud yn fy swydd bresennol. Yn ogystal â hyn rydw i wedi cael hyd i waith sy’n mynd â fi ar drywydd newydd sef “DevOps”. Mae’n gymysgedd o’r gwaith rydw i’n ei wneud yn fy swydd bresennol wedi’i gyfuno ag egwyddorion peirianneg meddalwedd. “