BUSNES, RHEOLI AC ARWAIN
Busnes, Rheoli ac Arwain
Mae cyrsiau Busnes, Rheoli ac Arwain yng Nghanolfan Brifysgol Cambria wedi’u hanelu at y rhai sydd mewn cyflogaeth briodol am dros 30 awr yr wythnos. Ochr yn ochr â gweithio byddwch yn cael eich rhyddhau o’r gwaith am y dydd i Ysgol Fusnes Cambria a fydd yn eich darparu gyda’r cymhwyster/cymwysterau i ddatblygu eich gyrfa ymhellach.
Wrth astudio yn yr Ysgol Fusnes ar safle Llaneurgain Coleg Cambria byddwch yn dysgu amrywiaeth o sgiliau mewn marchnata, adnoddau dynol, cyfrifeg a rhagor. Wrth fynd i’r afael â chwrs gyda Chanolfan Brifysgol Cambria efallai y byddwch yn dewis datblygu eich gyrfa mewn cyfrifeg, marchnata, logisteg neu ddiwydiant arall.
Cliciwch ar gwrs isod i weld y gofynion mynediad a darganfod rhagor am yr hyn y mae ein cyrsiau busnes, rheoli ac arwain yn eu cynnig.
Pethau defnyddiol i'w lawrlwytho
Ymweld â'n Galeri
Dewch i gael cip o amgylch y safle a gweld sut beth yw astudio gyda ni yng Nghanolfan Brifysgol Cambria neu dysgwch ragor am Ganolfan Brifysgol Cambria a’n cyfleusterau o’r radd flaenaf.
Astudiaethau Achos
Jac Hughes
Yn astudio – Gradd Rheoli Busnes Cymhwysol
Ar hyn o bryd – Yn cael ei gyflogi gan Airbus UK
“Agwedd orau fy nghwrs yw ei fod yn caniatáu i mi astudio’n rhan-amser gan roi hyblygrwydd i mi weithio o amgylch astudiaethau academaidd. Mae gallu cymhwyso fy nysgu yn uniongyrchol i fy ngwaith wedi cynnig cyfle unigryw i mi.
“Mae’r darlithwyr yn barod iawn i helpu ac maen nhw bob amser yn gwneud ymdrech i fy nghefnogi. Mae’r cyfleusterau’n wych ac yn cynnig amgylcheddau unigryw ar gyfer gweithio.
“Mae’r cwrs wedi rhoi cyfleoedd dysgu amrywiol i mi ym maes busnes ac wedi gwella fy ngwybodaeth o’r pwnc yn aruthrol. Bydd hyn yn y dyfodol yn fy nghefnogi i gyflawni fy uchelgais gyrfaol o ddod yn arweinydd”.
Krzysztof Folta
Astudio – Gradd Rheolaeth Fusnes Gymhwysol
Ar hyn o bryd – Dysgwr Addysg Uwch y Flwyddyn Coleg Cambria 2026
“Nid yn unig y mae Coleg Cambria yn cynnig cyfleusterau anhygoel ac amgylchedd llawn cymorth ar gyfer dysgu a datblygu, ond hefyd mae criw gwych o ddarlithwyr sy’n cyfuno profiad diwydiant ag ymagwedd academaidd gref at y cwrs a bob amser yn frwdfrydig iawn am y pwnc.
Mae’r coleg yn cynnig ystod eang o gyrsiau, felly mae siarad â rhywun i weld beth sydd ar gael a pha gwrs neu gymhwyster sydd fwyaf addas i’ch cynlluniau a’ch amgylchiadau yn y dyfodol yn ddefnyddiol iawn.
Ar ôl fy mhrentisiaeth dwi’n gobeithio sicrhau rôl barhaol amser llawn yn Airbus, mae astudio fy ngradd yn y coleg yn caniatáu imi wneud cysylltiadau rhwng yr amgylchedd gwaith a damcaniaethau ac mae datblygu cysylltiadau o’r fath yn fy helpu i ddeall y busnes, y diwydiant ehangach a byd masnach yn well.
Mae cael fy enwebu fel dysgwr Addysg Uwch y flwyddyn yn rhywbeth dwi’n hynod ddiolchgar amdano a bydd yn bendant yn brofiad y byddaf yn meddwl yn ôl arno gyda gwên. Diolch i’m holl ddarlithwyr, fy nghyflogwr a’r coleg am gyfle mor anhygoel!”
