Diploma Lefel 3 NCFE CACHE mewn Gwaith Chwarae

Mae’r cymhwyster hwn wedi’i gynllunio ar gyfer dysgwyr sy’n gweithio neu sy’n dymuno gweithio gyda phlant rhwng 4 ac 16 oed mewn lleoliadau gwaith chwarae.

Dylai dysgwyr fod yn 18 oed o leiaf.
Mae’n rhaid i’r rheiny sy’n dymuno astudio’r cymhwyster hwn fod yn gweithio mewn lleoliad gwaith perthnasol a bod â’r cymhelliant i lwyddo yn yr hyn sydd i raddau helaeth yn gymhwyster sy’n cael ei arwain gan y dysgwr.

Mae’n ofynnol i ddysgwyr gyflawni 53 credyd yn llwyddiannus: 43 credyd o’r 13 uned orfodol a 10 credyd pellach o’r unedau dewisol.

Mae’r asesu’n cynnwys arsylwadau gan Ymarferydd Dysgu yn y Gwaith cymwys mewn lleoliad gwaith perthnasol. Mae dulliau asesu yn gysylltiedig â chymhwysedd galwedigaethol, hynny yw, asesu pa mor dda y mae’r dysgwr yn cyflawni dyletswyddau ei rôl yn erbyn meini prawf a gwerthoedd penodol.

Bydd Ymarferydd Dysgu yn y Gwaith yn cael ei benodi i bob dysgwr a fydd yn arsylwi arnynt yn rheolaidd yn eu gweithle wrth iddynt wneud eu gwaith. Bydd yr arsylwadau hyn yn cael eu hategu gan gwestiynau llafar ac ysgrifenedig a chyfrifon adfyfyriol gan y dysgwr.

Gallai dysgwyr sy’n cyflawni’r cymhwyster hwn symud ymlaen fel gweithiwr chwarae lefel 3 gan weithio gyda chyfrifoldeb am staff eraill. Gallai dysgwyr symud ymlaen i’r meysydd canlynol:

* clybiau cyn ac ar ôl ysgol
* cynlluniau chwarae gwyliau
* meysydd chwarae antur
* lleoliadau chwarae mynediad agored
* ceidwaid chwarae