Tystysgrif L2 BCS mewn Sgiliau Defnyddwyr TG

Yr ICDL ydy’r Ardystiad Rhyngwladol o Lythrennedd Digidol, a elwir yn flaenorol yn ECDL (Trwydded Yrru Gyfrifiadurol Ewropeaidd). Wrth ddefnyddio TG, mae cyflogwyr yn fyd-eang yn cydnabod yr ICDL fel prawf o allu a chymhwysedd. Caiff ei ddefnyddio mewn dros 125 o wledydd ledled y byd.

Cynlluniwyd ICDL yn benodol ar gyfer y rheiny sydd am ennill cymhwyster meincnod mewn cyfrifiaduron er mwyn eu galluogi i ddatblygu eu sgiliau TG a gwella eu dyheadau gyrfa.

Mae’r buddion i staff sy’n ennill cymhwyster ICDL cydnabyddedig yn sylweddol -

*Helpu i leihau’r amser y mae staff cymorth TG yn ei wastraffu yn datrys tasgau sy’n gysylltiedig â chyfrifiaduron
*Helpu i leihau’r amser sy’n cael ei wastraffu wrth ddatrys tasgau sy’n gysylltiedig â chyfrifiaduron
*Darparu meincnod diriaethol ar gyfer cymhwysedd defnyddwyr cyfrifiaduron
*Datblygu hyder a chymhelliant

Mae'r cymhwyster yn un sy’n cael ei gydnabod yn rhyngwladol. Mae’r ICDL yn cynnwys yr unedau canlynol -

Gwella Cynhyrchiant trwy ddefnyddio TG
*Prosesu Geiriau
*Taenlenni
*Cyflwyniadau

Mae cwrs yn cael ei gyflwyno mewn modd hyblyg ar y safle yng Ngholeg Cambria. Caiff y cymhwyster ei gyflwyno ar ffurf gweithdy, sy’n canolbwyntio ar y dysgwr. Bydd dysgwyr yn dysgu ar eu cyflymder a’u lefel gallu eu hunain, trwy ddeunyddiau electronig a/neu brint. Mae tiwtor ar gael bob amser yn ystod y sesiynau i roi arweiniad a chymorth. Gall dysgwyr ymuno â'r cwrs a'i adael unrhyw bryd pan fydd angen iddynt wneud hynny yn ôl eu gwybodaeth a'u lefelau gallu.

Ar ôl cofrestru, bydd gennych chi 12 mis i gwblhau eich cymhwyster.