Mynediad i AU - Gofal Iechyd

Rhagor o fanylion
Cod y Cwrs	LP00223
Lleoliad	Iâl
Hyd	Llawn Amser, Cwrs Llawn Amser 1 flwyddyn yw hwn. Mae’r cwrs Mynediad yn gwrs modiwlaidd, seiliedig ar gredydau, y gellir ei astudio’n llawn amser dros gyfnod o flwyddyn (34 wythnos academaidd) o fis Medi i fis Mehefin. Mae’r cwrs yn rhedeg (fel arfer dros 4 diwrnod) 9.30am – 2.30pm. Agwedd bwysig o’r rhaglen hon yw eich rheolaeth amser personol eich hun ac mae’n hanfodol eich bod yn cynllunio ymlaen llaw o ran eich dyraniad o astudiaethau yn y dosbarth ac annibynnol, bydd cael cynllun o’r fath ar waith yn eich cefnogi chi a’ch llwyddiant.
Adran	, Iechyd a Gofal Cymdeithasol, Iechyd Meddwl
Dyddiad Dechrau	03 Sep 2026
Dyddiad gorffen	17 Jun 2027

Trosolwg o’r Cwrs

Ydych chi'n barod i wneud gwahaniaeth gwirioneddol ym mywydau pobl a dechrau gyrfa werth chweil ym maes gofal iechyd? Mae'r cwrs blwyddyn Diploma Mynediad i Addysg Uwch llawn amser, wedi'i gynllunio i'ch paratoi ar gyfer astudiaethau prifysgol, gan agor drysau i gyfleoedd cyffrous mewn nyrsio, bydwreigiaeth, therapi galwedigaethol, a phroffesiynau iechyd cysylltiedig eraill.

Beth fyddwch chi’n ei ddysgu
Nod y diploma yw eich arfogi â'r wybodaeth a'r sgiliau sydd eu hangen ar gyfer astudio ar lefel prifysgol ac mae'n cynnwys amrywiaeth o bynciau diddorol a sgiliau craidd hanfodol. Gallwch chi archwilio modiwlau fel:

* Anatomeg a Ffisioleg: Deall sut mae'r corff dynol yn gweithio.
* Cymdeithaseg/Seicoleg: Archwilio agweddau cymdeithasol a seicolegol iechyd.
* Astudiaethau Iechyd: Ymchwilio i bynciau allweddol sy'n gysylltiedig ag iechyd.
* Sgiliau Cyfathrebu: Datblygu cyfathrebu effeithiol sy'n hanfodol ar gyfer lleoliadau gofal iechyd.
* Sgiliau Astudio: Dysgu technegau hanfodol ar gyfer llwyddiant academaidd.

Byddwch chi hefyd yn datblygu sgiliau craidd, gan gynnwys:
* Cyfathrebu
* Sgiliau Astudio
* Rhifedd

Bydd eich tiwtor yn rhoi cyngor i chi ar ba fodiwlau sy’n berthnasol i’ch taith dysgu.

Gofynion Mynediad

Gradd C/4 mewn TGAU Saesneg/Cymraeg (iaith gyntaf) neu Fathemateg, gyda gradd D/3 o leiaf yn y pwnc arall
neu
Lefel 2 AON neu Gyfathrebu, gyda Lefel 1 o leiaf mewn pwnc arall.

Fodd bynnag, rydym yn annog oedolion sydd â phrofiad bywyd a gwaith i wneud cais hyd yn oed os nad ydynt yn bodloni’r gofynion mynediad uchod gan fod cais pob dysgwr yn cael ei asesu ar sail unigol.

Mae profiad mewn lleoliad Gofal Iechyd addas yn fanteisiol ond nid yn hanfodol.

Dylai ymgeiswyr fod yn 19+ oed i astudio’r cwrs hwn.

Efallai y cewch eich cynghori i gofrestru ar y cwrs Paratoi ar gyfer Gyrfa ac Astudio neu gwrs Sgiliau Hanfodol Cymru cyn dechrau’r cwrs Mynediad. Mae’r rhaglenni hyn yn rhoi’r cyfle i chi uwchsgilio mewn Cymhwyso Rhif a Sgiliau Cyfathrebu.

Rydym yn annog darpar ymgeiswyr i gysylltu â phrifysgolion unigol i gael gwybodaeth am ofynion mynediad.

Sut byddwch yn cael eich asesu

Bydd eich cynnydd yn cael ei asesu drwy asesiad parhaus, yn bennaf gwaith aseiniadau, ynghyd â rhai profion wedi’u hamseru ac ymarfer arholiadau. Byddwch yn ennill credydau ar ôl cwblhau pob uned yn foddhaol. I gael Diploma Mynediad i Addysg Uwch Agored Cymru, sy’n cael ei gydnabod gan ‘QAA’, bydd angen i chi ennill 60 credyd, gan gynnwys nifer o gredydau gorfodol. Caiff credydau Lefel 3 eu graddio fel Llwyddo, Teilyngdod, neu Ragoriaeth, gan adlewyrchu eich cyflawniadau.

Eich llwybr gyrfa yn y dyfodol

Ar ôl cwblhau’r diploma hwn yn llwyddiannus, byddwch chi wedi’ch paratoi’n dda i ddilyn cyrsiau gradd a dechrau gyrfa foddhaol yn y sector gofal.

Gall y cymhwyster hwn arwain at swyddi mewn:
* Nyrsio
* Bydwreigiaeth
* Therapi Galwedigaethol
* Ymarfer Adran Lawdriniaethau (ODP)
* A llawer o Broffesiynau Cysylltiedig ag Addysg.

Mae galw mawr am weithwyr proffesiynol medrus yn y diwydiant gofal iechyd yn y DU, sy’n golygu bod cyfleoedd swyddi cadarn ar gael o fewn y GIG a’r sector gofal preifat.

Cost