Diploma Lefel 1 mewn Gosod Brics a Gwaith Trywel

Rhagor o fanylion
Cod y Cwrs	LP00298
Lleoliad	Glannau Dyfrdwy
Hyd	Llawn Amser, Dyma gwrs blwyddyn lawn amser.
Adran	Gwaith Brics, Dysgu Sylfaen
Dyddiad Dechrau	03 Sep 2026
Dyddiad gorffen	18 Jun 2027

Trosolwg o’r Cwrs

Barod i adeiladu dyfodol cadarn? Y cwrs hwn yw eich cam cyntaf perffaith i'r diwydiant adeiladu, gan eich rhoi chi ar y llwybr i ddod yn osodwr brics medrus. Byddwch chi'n ennill yr hyder, y wybodaeth a'r sgiliau ymarferol sydd eu hangen arnoch chi ar gyfer gyrfa werth chweil.

Beth Fyddwch chi'n ei Ddysgu:
Mae'r rhaglen flwyddyn hon, syn cael ei chyflwyno dros dridiau'r wythnos, yn cyfuno profiad gweithdy ymarferol â dysgu hanfodol yn yr ystafell ddosbarth. Byddwch chi’n mynd i’r afael â:

*Iechyd, Diogelwch a Lles mewn Adeiladu
*Gweithio’n Effeithiol yn Niwydiant Adeiladu
*Ymwybyddiaeth o’r Amgylchedd
*Anheddau Preswyl sy'n Cael eu Hadeiladu
*Sgiliau Gosod Brics Sylfaenol
*Sgiliau Gosod Blociau Sylfaenol
*Adeiladu Waliau Ceudod
*Gwella eich Sgiliau Cyfathrebu a Rheoli Amser
*Cynllunio ar gyfer eich Gyrfa yn y Dyfodol
*Rhifedd a Llythrennedd yn y Diwydiant Adeiladu
*Gwneud Cais am Swyddi Adeiladu a Hunangyflogaeth yn y Diwydiant Adeiladu

Eich Taith Ddysgu a'ch Cymorth:
Rydyn ni yma i'ch cefnogi bob cam o'r ffordd! Bydd gennych chi Anogwr Cynnydd a fydd yn gweithio gyda chi drwy gydol y rhaglen, gan sicrhau bod unrhyw anghenion dysgu ychwanegol yn cael eu bodloni er mwyn i chi llwyddo. Bydd cyfle gennych i ymgymryd â chymwysterau Sgiliau Hanfodol Cymru mewn Cyfathrebu a Chymhwyso Rhif. Bydd y cymwysterau hyn yn eich helpu chi i symud ymlaen i lefelau uwch o ddysgu.

Gofynion Mynediad

Os byddwch yn gwneud cais o ysgol yng Nghymru: 4 TGAU gradd E neu uwch, gan gynnwys:

Iaith a Llenyddiaeth Saesneg, neu Iaith a Llenyddiaeth Cymraeg
(Gwobr Sengl neu Ddwbl)
A
Mathemateg a Rhifedd (Dyfarniad Dwbl)

Os byddwch yn gwneud cais o ysgol yn Lloegr: 4 TGAU gradd 2 neu uwch, gan gynnwys:

Iaith Saesneg
A
Mathemateg

I’r holl ddysgwyr sy’n bwriadu symud ymlaen i’r cwrs Lefel 1 hwn o Raglen Lefel Mynediad – rhaid eich bod wedi cyflawni eich prif gymhwyster, wedi symud ymlaen mewn mathemateg a Saesneg ac wedi cyrraedd yr holl dargedau yn eich CDU.

Yng Ngholeg Cambria byddem yn eich annog i wneud eich gorau glas yn eich arholiadau. Bydd gennych chi ragor o ddewisiadau os oes gennych chi raddau da, a gallai hynny arwain at gyrchu cwrs lefel uwch.

Sut byddwch yn cael eich asesu

Byddwch chi’n dysgu drwy amrywiaeth o asesiadau diddorol, gan gynnwys tasgau gweithdy ymarferol, adeiladu tystiolaeth portffolio ffotograffig, asesiadau ysgrifenedig diwedd uned, gwaith prosiect a thrafodaethau wedi’u recordio. Anogir dysgwyr i ddogfennu eu datblygiad a’u cynnydd eu hunain trwy dynnu lluniau o’u gwaith. Dylid anodi ffotograffau dysgwyr i ddangos eu dealltwriaeth o ganlyniadau dysgu a meysydd pwnc penodol.

Eich llwybr gyrfa yn y dyfodol

Ar ôl cwblhau, byddwch chi wedi paratoi’n dda ar gyfer eich camau nesaf, boed hynny’n symud ymlaen i gwrs galwedigaethol lefel uwch, prentisiaeth, neu’n uniongyrchol i gyflogaeth. Gall y cwrs hwn agor drysau i gyfleoedd cyffrous ym maes adeiladu.

Cost

Bydd angen prynu offer a/neu wisg hanfodol ar gyfer rhai cyrsiau. Edrychwch ar y rhestr offer atodedig i gael rhagor o wybodaeth.