HNC mewn Peirianneg Sifil

Rhagor o fanylion
Cod y Cwrs	LP01241
Lleoliad	Ffordd y Bers
Hyd	Rhan Amser, Cwrs 2 flynedd – Rhan-amser, Rhyddhau am Ddiwrnod Bydd gofyn i fyfyrwyr ar y cwrs hwn ymgymryd â chyfnodau hunanastudiaeth, yn ychwanegol at yr oriau a addysgir. Byddwn yn cyflwyno’r rhaglen hon trwy gyfuniad o sesiynau ar-lein a sesiynau wyneb yn wyneb i gyd-fynd â’ch anghenion unigol, yn amodol ar allu gweithi o dan arweiniad a deddfwriaeth Llywodraeth Cymru i sicrhau eich diogelwch chi a’n staff ni. Byddwn hefyd yn parhau i roi cymorth o bell i’r rhai sydd ag anghenion dysgu ychwanegol. Sylwch, os yw rhesymau diogelwch yn ei hatal rhag trefnu lleoliadau gwaith, byddwn yn addasu modiwlau i gynnwys prosiectau a fydd yn parhau i ddatblygu eich sgiliau yn y gwaith.
Adran	Adeiladu a Gwaith Adeiladu
Dyddiad Dechrau	22 Sep 2026
Dyddiad gorffen	28 Jul 2028

Trosolwg o’r Cwrs

Cynigir HNC mewn Adeiladu a’r Amgylchedd Adeiledig (Adeiladu) yn Cambria trwy gytundeb cydweithredol â Pearson. Mae’r rhaglen yn cynnwys astudiaeth ddwy flynedd ran-amser
gyda rhyddhau o’r gwaith am ddiwrnod a bydd angen cwblhau wyth modiwl galwedigaethol penodol.

Nod y rhaglen yw paratoi myfyrwyr ar gyfer ystod o yrfaoedd sgiliau technegol uwch, gyrfaoedd proffesiynol a rheoli mewn astudiaethau adeiladu, trwy ddarparu astudiaethau arbenigol
sy’n berthnasol i’r galwedigaethau a’r proffesiynau hynny y mae myfyrwyr yn gyflogedig neu’n chwilio am waith ynddynt.

Cafodd y rhaglen ei strwythuro fel bod myfyrwyr yn gallu meithrin ystod o sgiliau a thechnegau, rhinweddau personol ac agweddau sy’n hanfodol er mwyn llwyddo yn eu bywyd gwaith.

Bydd y cwrs yn cael ei addysgu drwy ddarlithoedd ffurfiol, wedi’u hategu gan waith labordy, profi deunyddiau, tirfesur, gwaith maes, teithiau maes, ymweliadau safle a gwaith lluniadu a dylunio.

MODIWLAU:
Uned 1 - Prosiect Unigol
Uned 2 - Technoleg Adeiladu
Uned 3 - Gwyddoniaeth a Deunyddiau
Uned 4 - Ymarfer a Rheoli Adeiladu
Uned 5 - Cyfrifoldebau Cyfreithiol a Statudol mewn Adeiladu
Uned 6 - Gwybodaeth Adeiladu (Llun, Manylu, Manyleb)
Uned 7 - Tirfesur, Mesur a Chynllunio
Uned 21 - Goruchwylio Safle a Gweithrediadau

Byddem ni wrth ein bodd yn clywed gennych chi! Am rangor o wybodaeth cysylltwch â Matty Owen ar matty.owen@cambria.ac.uk

Gofynion Mynediad

Academaidd / Profiad Gwaith:

• Cymhwyster Lefel 3 (o leiaf 120 credyd / 720 GLH) mewn Adeiladu / Sifil neu faes cysylltiedig gyda phroffil Teilyngdod (TLlLl) – o leiaf 64 pwynt UCAS, NEU

• Safon Uwch gyda graddau DDE (o leiaf 64 pwynt UCAS), NEU

• Tystysgrif Mynediad i AU mewn maes perthnasol, NEU

• 3 – 5 mlynedd o brofiad gwaith perthnasol mewn rôl oruchwylio.

Mathemateg: TGAU Mathemateg / Rhifedd gradd C / 4 neu uwch (neu gyfwerth).

Gofyniad Iaith:

• Gallu ar CEFR B2 neu uwch mewn Saesneg / Cymraeg e.e.
• TGAU Saesneg / Cymraeg gradd C / 4 neu uwch,
• Lefel 2 Sgiliau Hanfodol / Swyddogaethol,
• IELTS 5.5,
• PTE 51,
• TOEFL 72,
• Caergrawnt B2 Cyntaf 160+

Llwythwch eich tystysgrifau cymhwyster swyddogol neu dystiolaeth ffurfiol i fyny i’ch cais fel y gallwn gadarnhau eich bod yn bodloni’r gofynion mynediad. Os nad ydych yn siŵr a ydych yn bodloni’r meini prawf mynediad, cysylltwch â’n Harweinydd Rhaglen AU heddiw (manylion isod) i drafod eich opsiynau a chymryd eich cam nesaf.

Sut byddwch yn cael eich asesu

Byddwn yn asesu’r cwrs trwy gyflwyniadau ysgrifenedig, arholiadau dan reolaeth amser a gweithgareddau ymarferol.

Eich llwybr gyrfa yn y dyfodol

• BSc (Anrh) Rheoli Adeiladwaith
• BSc (Anrh) Rheoli Eiddo Tirog
• BSc (Anrh) Technoleg Dylunio Bensaernïol

DEWISIADAU GYRFA
Mae HNC mewn Astudiaethau Adeiladu yn rhoi cymhwyster technegol uwch i fyfyrwyr a fydd yn briodol iddynt wrth ddilyn eu huchelgais o ran gyrfa yn sectorau canlynol y diwydiant adeiladu:
• Rheoli Adeiladu
• Technoleg Bensaernïol
• Syrfeo Meintiau
• Syrfeo Adeiladau
• Tirfesur a llawer rhagor.

Cost

Rhan Amser – £2500 y flwyddyn

Gallai ffioedd godi yn unol â chwyddiant ar gyfer yr holl fyfyrwyr sy’n dechrau eu hastudiaethau yn 2025/26 neu 2026/27.

Gall cyllid fod ar gael trwy gyllid PLA yn dibynnu ar eich amgylchiadau. Mae meini prawf cymhwysedd yn berthnasol. Anfonwch e-bost at pla@cambria.ac.uk am ragor o fanylion.